ჩაჩუას ბრალდების საქმეზე სასამართლო დღეს არსებით განხილვაზე გადადის, სადაც ბრალდებისა და დაცვის მხარეებმა შესავალი სიტყვები უნდა თქვან.
როგორც ბრალდებულის ადვოკატმა ზურაბ ტაბიძემ განაცხადა, პროცესს მისი დაცვის ქვეშ მყოფიც დაესწრება. საქალაქო სასამართლოში სხდომა 14:00 საათზე დაიწყება.
სასამართლო ექსპერტიზის ეროვნული ბიუროს სასამართლო-სამედიცინო ექსპერტიზის განყოფილების ყოფილი გამგე ლევან ჩაჩუა საქართველოს მთავარმა პროკურატურამ სამსახურებრივი გულგრილობის ფაქტზე, 2014 წლის 20 მარტს დააკავა.
პროკურატურის ვერსიით, 2005 წლის 3 თებერვალს ლევან ჩაჩუამ ყოფილი პრემიერ-მინისტრის, ზურაბ ჟვანიასა და რაულ უსუპოვის გვამების გამოკვლევისას გამოიჩინა გულგრილობა და არაჯეროვნად შეასრულა სამსახურებრივი მოვალეობა. კერძოდ, სრულყოფილად არ აღწერა გვამებზე არსებული დაზიანებები მაშინ, როდესაც გვამებს აშკარად აღენიშნებოდა სიცოცხლისდროინდელი დაზიანებები.
მასალის გამოყენების პირობები