საგადასახადო კოდექსის მიხედვით, დაბალშემოსავლიანი მოსახლეობა დაუბეგრავ მინიმუმს 2015 წელსაც მიიღებს. ცნობილია, რომ თანხის გაცემა უკვე არსებული წესით მოხდება, ელექტორნული დეკლარაციის შევსების თარიღი კი მოგვიანებით გახდება ცნობილი.
2015 წელს დაუბეგრავი მინიმუმის დაბრუნება განხორციელდება ”გადასახადების ადმინისტრირების შესახებ” საქართველოს ფინანსთა სამინისტროს 2010 წლის 31 დეკემბრის #996 ბრძანებით, სადაც განსაზღვრულია ფიზიკური პირის მიერ ხელფასის სახით მიღებული დასაბეგრი შემოსავლიდან დაუბეგრავი მინიმუმის გამოქვითვის და თანხის დაბრუნების წესი.
დაუბეგრავი მინიმუმის ცნება 2013 წელს გაჩნდა. შემოსავლების სამსახურის ვებ-გვერდზე დეკლარირების სპეციალური ფორმაც გამოქვეყნდა, რომელიც დაუბეგრავი მინიმუმის დაბრუნებისას ფიზიკურ პირს უნდა შეევსო. მინიმუმის გაცემის წესი, იგივეა, ანუ თუ 2014 წელს ხელფასის სახით მოქალაქეს დარიცხული აქვს 6000 ლარი, სახელმწიფო უკან დაუბრუნებს 360 ლარს (ანუ დაუბეგრავი მინიმუმის 1800 ლარის- 20 პროცენტს). თუ მოქალაქეს ერიცხება 1800 ლარზე ნაკლები , მაშინ უკან დაიბრუნებს იმ თანხმის 20%-ს, რაც წლის განმავლობაში ხელფასის სახით მიიიღო.
წელს დაუბეგრავი მინიმუმით 470 ათასზე მეტმა მოქალაქემ ისარგებლა. საერთო ჯამში კი 131 მილიონ ლარზე მეტი გაიცა.
მასალის გამოყენების პირობები