რას გეგმავს ქართული მხარე რუსეთსა და ოკუპირებულ აფხაზეთს შორის მოკავშირეობისა და ინტეგრაციის შესახებ შეთანხმების პროექტთან დაკავშირებით, - ინფორმაციას ამის შესახებ საგარეო საქმეთა სამინისტრო დიპლომატიურ კორპუსს დღეს მიაწვდის.
დავით ზალკალიანი საქართველოში აკრედიტებული დიპკორპუსის ხელმძღვანელებს შეხვდება.
საერთაშორისო მისიებთან შეხვედრა იმ გეგმის ნაწილია, რომელიც საგარეო უწყებამ უსაფრთხოებისა და კრიზისების მართვის საბჭოს სხდომის შემდეგ შეიმუშავა.
განხილვის თემა ჟენევის მოლაპარაკებები და მეზობელი ქვეყნიდან მომავალი საფრთხეები იქნება, რომელიც დავით ზალკალიანის განცხადებით, რუსეთთან მოლაპარაკებების ერთადერთ საშუალებას საფრთხის ქვეშ აყენებს.
მასალის გამოყენების პირობები