მსოფლიოს ერთ-ერთი უმსხვილესი ნავთობკონცერნის Total - ის პრეზიდენტი, კრისტოფერ დე მარჟერი, მოსკოვის ვნუკოვოს აეროპორტიდან აფრენისას დაიღუპა. მისი ბიზნეს -ჯეტი თოვლის გამწმენდ მანქანას შეასკდა, რომელსაც, გავრცელებული ინფორმაციით,მთვრალი მძღოლი მართავდა. წინასწარი ოფიციალური მონაცემებით, დაახლოებით ღამის 12 საათისთვის, აეროპორტ "ვნუკოვო -3" - დან აფრენის მომენტში ოთხადგილიანი თვითმფრინავი Falcon-300, რომელიც მოსკოვი - პარიზის მიმართულებით უნდა გამგზავრებულიყო, სპეცტექნიკის მანქანას შეეჯახა. შედეგად, დაიღუპა საფრანგეთის ოთხი მოქალაქე: ერთი მგზავრი - ფრანგული ნავთობკომპანიის Total პრეზიდენტი კრისტოფ დე მარჟერი, პილოტები და ბორტგამცილებელი. მიმდინარეობს გამოძიება, რომელიც ამინდის ფაქტორსა და პილოტირების შეცდომასაც განიხილავს. საფრანგეთის პრემიერის მანუელ ვალსის განცხადებით, მარჟერის დაღუპვასთან ერთად, ქვეყანამ მრეწველობის „მხედართმთავარი“ დაკარგა, რომელმაც Total მსოფლიო გიგანტად აქცია.