გუდაური-კობის მონაკვეთზე ზამთრის რეჟიმი მოქმედებს. მცხეთა-სტეფანწმინდა-ლარსის საავტომობილო გზის გუდაური(ფოსტა)-კობის მონაკვეთზე გზის გაწმენდით სამუშაოები დილიდან მიმდინარეობდა. ამ ეტაპზე აღნიშნულ მონაკვეთზე ყველა სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. მაღალი გამავლობის ავტოტრანსპორტისთვის მოძრაობა თავისუფალია.
ამავე გზის 134-135.კმ მონაკვეთზე (დარიალის ხეობა) ავტოტრანსპორტის მიმოსვლისას მათი გაჩერება იკრძალება. ზვავსაშიშროების გამო, აღნიშნულ მონაკვეთზე ყველა სახის ავტოტრანსპორტის მოძრაობა აკრძალული იყო.
ამ დროისთვის, გარემოს ეროვნული სააგენტოს ინფორმაციით, ზვავსაშიშროება არ არსებობს. აღნიშნული რეჟიმებით მოძრაობა საპატრულო პოლიციის უშუალო ზედამხედველობით და კოორდინაციით განხორციელდება. გზის დანარჩენ მონაკვეთებზე ავტოტრანსპორტის მოძრაობა თავისუფალია.
მასალის გამოყენების პირობები