ძლიერი ქარი თბილისში დღის ბოლომდე შენარჩუნდება. ამის შესახებ გარემოს ეროვნული სააგენტოს მონიტორინგისა და პროგნოზირების ცენტრის ჰიდრომეტეოლოგიურ სამსახურში აცხადებენ.
"უამინდობა მთელ დღეს, დღის ბოლომდე შენარჩუნდება. ხვალ დასავლეთსა და აღმოსავლეთ საქართველოს ზოგიერთ რაიონში იქნება მცირე თოვა, თოვლის ინტენსივობა ხვალიდან საქართველოს მაღალმთიან რეგიონებშიც შესუსტდება. 10 იანვრიდან მთელ საქართველოში გამოიდარებს.
ტემპერატურა 10 იანვარს -5 გრადუსამდე დაეცემა, შესაძლებელია -7 მაღალმთიან რეგიონებში. დასავლეთ საქართველოს რეგიონებში ეს ტემპერატურა -10-მდე, ხოლო დასავლეთ საქართველოს მაღალმთიან რეგიონებში -20-მდე დაეცემა.
თბილისში დღის ბოლომდე ძლიერი ქარი და ნალექი შენარჩუნდება. ხვალ დილიდან, კი ქარის ინტენსივობა შესუსტდება და წამში 10-15 მეტრს მიაღწევს",- აცხადებს გარემოს დაცვის სააგენტოს გრძელვადიანი პროგნოზების ბიუროს უფროსის მოადგილე ნინო წვერავა.
მასალის გამოყენების პირობები