პრეზიდენტის პარლამენტში ყოველწიული ანგარიშით მისვლის თარიღთან დაკავშირებით პრეზიდენტის ადმინისტრაციასა და პარლამენტს შორის კონსულტაციები ჯერ არ დაწყებულა. შესაბამისად, საქართველოს პრეზიდენტის, გიორგი მარგველაშვილის პარლამენტში მისვლის თარიღზე გადაწყვეტილება მიღებული არ არის.
პარლამენტის რეგლამენტის გათვალისწინებით, პრეზიდენტი პარლამენტში ანგარიშით, როგორც წესი, საგაზაფხულო სესიის დასაწყისში მიდის. მისივე თქმით, პრეზიდენტის ადმინისტრაციასა და პარლამენტის ხელმძღვანელობას შორის გარკვეული კონსულტაციები გაიმართება და თარიღთან დაკავშირებით ჩამოყალიბდებიან.
საქართველოს კონსტიტუციის მიხედვით, პრეზიდენტი პარლამენტს წელიწადში ერთხელ, ქვეყნის მდგომარეობის უმნიშვნელოვანეს საკითხებზე მოხსენებას წარუდგენს. პრეზიდენტის პარლამენტში ყოველწლიური ანგარიშით მისვლასთან დაკავშირებით პარლამენტის რეგლამენტში ნათქვამია, რომ პარლამენტი პრეზიდენტის მოხსენებას, როგორც წესი, საგაზაფხულო სესიის პლენარული სხდომების პირველ დღეს ისმენს. ამ მიმართულებით დამკვიდრებული პრაქტიკის გათვალისწინებით, პრეზიდენტი უმაღლეს საკანონმდებლო ორგანოში თებერვლის თვეში მიდის.
მასალის გამოყენების პირობები