ქალაქ ზუგდიდის მერია მუნიციპალიტეტის მიერ განხორციელებული
საქმიანობების საზოგადოებისათვის
გაცნობის მიზნით, საინფორმაციო ფლაერების დაბეჭდვას გეგმავს. ამისთვის
ადგილობრივი ბიუჯეტიდან 3 600 ლარი გამოიყო.
სატენდერო დოკუმენტაციის მიხედვით, საინფორმაციო ბუკლეტი ფერადი
იქნება და თვეში - 12 ათასი, ხოლო 5 თვის განმავლობაში - 60 ათასი
ცალი დაიბეჭდება.
გამჭვირვალობისა და მოსახლეობის ინფორმაციული უზრუნველყოფისთვის,
ზუგდიდის მერია, ასევე, გაზეთის - "მერია NEWS" გამოცემასაც გეგმავს.
გაზეთი 4-8 გვერდიანი (პირველი და ბოლო გვერდი ფერადი) იქნება, სადაც
სხვადასხვა თემატიკის მასალები განთავსდება. ის ყოველი თვის ბოლოს
5-ათასიანი ტირაჟით გამოვა. გამოცემისთვის, რომელიც მიმდინარე წლის
დარჩენილ პერიოდში გამოვა, 8 886 ლარი დაიხარჯება.
ზუგდიდის საკრებულო, საზოგადოებისთვის ინფორმაციის მიწოდების მიზნით,
სხდომების "ლაივსტრიმის" რეჟიმში გასაშუქებლად, კამერას შეიძენს,
რისთვისაც
7 335 ლარი გამოიყო.
ჯამში, ადგილობრივი ბიუჯეტიდან, ზემოაღნიშნული მიზნებისთვის, 20
ათასამდე ლარი დაიხარჯება.
მასალის გამოყენების პირობები