ყოფილი საჯარო მოხელეების მოთხოვნა სასამართლომ ნაწილობრივ დააკმაყოფილა (ვიდეო)
11:19 / 07.03.2017
ზუგდიდის რაიონულმა სასამართლომ გამგეობიდან გათავისუფლებული
თანამშრომლების, მაია ღურწკაისა
და ქეთო ტაბაღუას საქმის განხილვა დაასრულა. სასამართლომ მოსარჩელე
მხარის მოთხოვნა ნაწილობრივ დაკმაყოფილდა.
კერძოდ, გამგეობის საზოგადოებასთან ურთიერთობის განყოფილების უფროსი
მაია ღურწკაია ატესტაციის გასაუბრების ეტაპს ხელახლა გაივლის. რაც
შეეხება ქეთო ტაბაღუს, სამსახურში მისი აღდგენა ამ ეტაპზე ვერ
მოხერხდება, თუმცა მას ექნება შესაძლებლობა გამგეობას მისი პოზიციის
მიზანმიმართულად გაუქმების ან მორალური ზიანის მიყენების გამო კვლავ
უჩივლოს.
"საჩივარი დაკმაყოფილდა ნაწილობრივ, მაგრამ ეს ჩემი
მოთხოვნების სრულად დაკმაყოფილებას არ ნიშნავს. ველოდებოდი ამ
გადაწყვეტილებას კი არა და უარსესაც ველოდი დღეს ძალიან მეცოდებიან
მოსამართლეები ვიცოდი,რომ მათზე იქნებოდა ზეწოლა, მოსამართლე ისეთ
მდგომარეობაშია ვერც შამფური დაწვა და ვერც მწვადი. მე ვაგრძელებ
ბრძოლას და მზად ვარ ხელახლა გავიარო გასაუბრება", -
განაცხადა მაია ღურწკაიამ.
ცნობისთვის, გამგეობის საზოგადოებასთან ურთიერთობის განყოფილების
უფროსი, "რესპუბლიკური პარტიის" წევრი მაია ღურწკაია და კულტურის
განყოფილების თანამშრომელი ქეთო ტაბაღუა დაკავებული თანამდებობებიდან,
გასული წლის ნოემბერში, ჩატარებული ატესტაციის შედეგად გაათავისუფლეს.
გამგეობის სამსახურიდან და აიპ-ებიდან, სხვადასხვა მიზეზით, ათობით
ადამიანი დაითხოვეს. თავის მხრივ, მუნიციპალიტეტის გამგეობიდან
გათავისუფლებულები მიიჩნევენ, რომ სამსახურიდან მათი დათხოვნა
უკანონოდ და პოლიტიკური ნიშნით მოხდა.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
ზუგდიდისა და ცაიშის ეპარქიამ ბზობის დღესასწაულის მოახლოებასთან დაკავშირებით განცხადება გაავრცელა, რომელშიც მრევლს მოუწოდებს, არ მოჭრან გადაშენების პირას მყოფი კოლხური ბზა.
გარემოსდაცვითი ზედამეხედველობის დეპარტამენტის სამეგრელო-ზემო სვანეთის რეგიონული სამმართველოების თანამშრომლებმა ბზის უკანონო მოპოვებისა და ტრანსპორტირების ფაქტი გამოავლინეს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები