საქართველოში კიბოს ორგანიზებული სკრინინგი იწყება
საშვილოსნოს ყელის კიბოს პრევენციის ყოველწლიური კვირეულის ფარგლებში, საქართველოში კიბოს ორგანიზებული სკრინინგი იწყება.
აღნიშნულთან დაკავშირებით ჯანდაცვის სამინისტოს, დაავადებათა კონტროლისა და საზოგადოებრივი ჯანმრთელობის ეროვნული ცენტრის, თბილისის მერიის ჯანდაცვისა და სოციალური მომსახურების საქალაქო სამსახურის, ეროვნული სკინინგ-ცენტრისა და გაერო-ს მოსახლეობის ფონდის (UNFPA) საქართველოს ოფისის წარმომადგენლებმა ერთობლივი პრესკონფერენცია გამართეს.
გაერო-ს მოსახლეობის ფონდის საქართველოს ოფისის ხელმძღვანელმა ლელა ბაქრაძემ განაცხადა, რომ საშვილოსნოს ყელის კიბოს სკრინინგის პროგრამამ შესაძლოა, მნიშვნელოვანი წვლილი შეიტანოს საშვილოსნოს ყელის კიბოს დაავადების გავრცელებისა და სიკვდილიანობის მაჩევნებლის 80%-ით შემცირებაში იმ შემთხვევაში, თუ ის იქნება კარგად ორგანიზებული, მაღალი ხარისხის და მოიცავს სამიზნე მოსახლეობის 60%-ზე მეტს.
"სკრინინგის პროგრამა, რომელიც საქართველოში 2011 წლიდან ფუნქციონირებს, წელს განვითარების ახალ ეტაპზე გადადის, როდესაც ჩვენი ერთობლივი თანამშრომლობით სკრინინგის ორგანიზებული ფორმა ინერგება. ამ კვირეულის ფარგლებში ჩვენი ძირითადი გზავნილი მოსახლეობისადმი არის ის, რომ საშვილოსნოს ყელის კიბოს თავიდან აცილება და სრული განკურნება დაავადების ადრეულ სტადიაზე გამოვლენის შემთხვევაში შესაძლებელია, თუ სამიზნე ასაკობრივი ჯგუფის ქალები სკრინინგის პროგრამაში რეგულარულად იქნებიან ჩართულები", - ამბობს ბაქრაძე.
მასალის გამოყენების პირობები