52 წლის წინ, 1962 წლის 5 აგვისტოს საკუთარ ბინაში გარდაცვლილი ნახეს ამერიკელი მსახიობი, მომღერალი, მოდელი, ჰოლივუდის ერთგვარი „ხატი“ მერილინ მონრო. მას შემდეგ არ შეწყვეტილა დისკუსია თემაზე - ეს იყო მკვლელობა თუ თვითმკვლელობა. მსახიობი სცენაზე ბოლოს 1962 წლის 19 მაისს გამოჩნდა. ამ დღეს აშშ-ის პრეზიდენტის ჯონ კენედის 45 წლის იუბილე მედისონ სქვეარ გარდენში დიდი წვეულებით აღნიშნეს. სტუმრებს შორის უამრავი პოლიტიკოსი და სელებრითი იყო. ასევე მიწვეული იყო მერილინ მონრო, იმ დროის ყველაზე კაშკაშა ვარსკვლავი და აღიარებული სექს სიმბოლო. საღამოსკენ სცენაზე ასვლა მერილინ მონრომ ითხოვა. მას ეცვა ჟან ლუისის 2500 მბზინავი ქვით მოჭედილი კაბა, რომელიც მომავალში ამ სიმღერის სიმბოლო გახდა და მოგვიანებით აუქციონზე რამდენიმე მილიონად გაიყიდა. კაბა იმდენად ვიწყო იყო, რომ მსახიობს მისი ჩაცმა შიშველ ტანზე მოუწია. რამდენიმე თვეში მერილინი საკუთარ სახლში, გარდაცვლილი იპოვეს. არავინ იცის, მისი გამოსვლა წინასწარ დადგმული იყო, თუ ექსპრომტი. ამბობენ, მერილინს საერთოდ არ სურდა ამ ღონისძიებაზე წასვლა, რადგან პრეზიდენტის რეპუტაცია ეჭვქვეშ დგებოდა. პიტერ ლაუფორდმა გამოაცხადა მერილინ მონროს გამოსვლა და ეს მსახიობისთვის უკანასკნელი სიმღერა აღმოჩნდა. მსახიობმა კლასიკურ “Happy Birthday to You” -ს Mr. President დაუმატა: Happy birthday to you Happy birthday to you Happy birthday Mr President Happy birthday to you შემდეც კი სიმღერიდან “Thanks for the Memory” ტექსტი ამოკრიბა და Mr. President -ს მოარგო Thanks, Mr. President For all the things you’ve done The battles that you’ve won The way you deal with U.S. Steel And our problems by the ton We thank you so much და დარბაზში უზარმაზარი ტორტი შემოიტანეს. მერილინი კი ხელებით და ხტუნვით უხმობდა ორკესტრს მელოდია ხელახლა დაეწყოთ… შემდეგ ჯონ კენედი სცენაზე ავიდა და გაიხუმრა: “I can now retire from politics after having had Happy Birthday sung to me in such a sweet, wholesome way”. ეს მერილინის ბოლო გამოჩენა იყო სცენაზე. იგი დღემდე ლეგენდაა. ბევრი ადამიანი ამბობს, რომ მონრომ თავისი სტილითა და გარეგნობით შეცვალა უამრავი ქალბატონის ცხოვრება და აშკარა კვალი დატოვა ხელოვნებასა და კულტურაში.