ზუგდიდელი პატიმრის შვილებმა პროტესტი შეწყვიტეს
7-სათიანი პროტესტის შემდეგ, პატიმრის რუსლან პერტაიას შვილებმა ხეზე მიჭედებული ხელები მოიხსნეს.
როგორც ბრალდებულის შვილები აცხადებენ, თუ მათ და პატიმარს რამდენიმე დღეში საპარლამენტო უმრავლესობის წევრი ეკა ბესელია არ შეხვდება, ისინი პროტესტის სხვა ფორმას მიმართავენ.
"დღეს ხელები მივიჭედეთ, ხოლო თუ ეკა ბესელია მამაჩემს არ შეხვდება, მომდევნო დღეებში თავს მივიჭედებთ, ივანიშვილის სასახლესთან ჩავალთ და სიცოცხლეს თვითმკვლელობით დავასრულებთ. მამაჩემი უდანაშაულა და ეს ყველამ უნდა გაიგოს",-განაცხადა ნათია პერტაიამ.
რუსლან პერტაიას შვილები სასწრაფო დახმარების მანქანამ ქუთაისის საავადმყოფოში გადაიყვანა.
პერტაია 23 აგვისტოს დააკავეს. მას თხილის ქურდობას ედავებიან.
მასალის გამოყენების პირობები