ოკუპირებულ აფხაზეთში კრემლის მიერ მომზადებულ „მეკავშირეობისა და ინტეგრაციის შესახებ“ შეთანხმების პროექტთან დაკავშირებით ვნებათაღელვა არ ცხრება.
სოხუმში ამ თემასთან დაკავშირებით საგანგებო შეხვედრა სხვადასხვა სექტორის წარმომადგენლებმა გამართეს. დოკუმენტის ტექსტი ბუნდოვანია და მთელ რიგ საკითხებში აფხაზეთის ე.წ. კონსტიტუციას და ინტერესებს ეწინააღმდეგება, - აცხადებენ აფხაზეთში.
მათივე თქმით, ეს კრემლის მხრიდან გარკვეულ ტესტს ჰგავს, რაზე შეუძლია დათანხმება რეგიონს ე.წ. სუვერენიტეტის ფასად. „ეს არის საბოლოო წერტილი ჩვენი მომავლისთვის“, - აცხადებენ სოხუმში.
შეხვედრას დე ფაქტო სოხუმის ლიდერის ადმინისტრაციის ხელმძღვანელიც ესწრებოდა, რომელმაც კიდევ ერთხელ განაცხადა, რომ რაულ ხაჯიმბა შეთანხმების პროექტით გათვალისწინებულ გარკვეულ პუნქტებს კატეგორიულად ეწინააღმდეგება.
მასალის გამოყენების პირობები