საერთაშორისო კინო-ფესტივალზე ”კინო-ფილმები რუსეთიდან და არა მხოლოდ” ლევან კოღუაშვილის ფილმმა ”შემთხვევითი პაემნები” ჟიურის მოწონება და გრან-პრი მოიპოვა. რიგით მეორე საერთაშორისო კინო ფესტივალი ”კინო-ფილმები რუსეთიდან და არა მხოლოდ” 10-დან 19 ოქტომბრის ჩათვლით ჟენევაში, ლოზანაში გაიმართა. ფესტივალის განმავლობაში მაყურებელს 40 ფილმის ნახვის საშუალება მიეცეა, მათ შორის რუსეთიდან, სომხეთიდან, საქართველოდან, ყაზახეთიდან, ლიტვადან, უკრიანიდან და უზბეკეთიდან. ”შემთხვევითი პაემნების” სცენარის ავტორები ბორის ფრუმინი, ლევან კოღუაშვილი და ანდრო საყვარელიძე არიან. ფილმში მონაწილეობას ანდრო საყვარელიძე, არჩილ ქიქოძე, ია სუხიტაშვილი, მარიკა ანთაძე, ვახო ჩაჩანიძე, კახი კავსაძე და სხვა მსახიობები იღებენ.