ინციდენტი ზუგდიდის ცენტრში - ზვიად გამსახურდიას გამზირზე შელაპარაკება მოხდა ზუგდიდის რაიონის საკრებულოს წევრ კახა მიქაიასა და ქალაქ ზუგდიდის საკრებულოს ადმინისტრაციის უფროს გრიგოლ-გრიხა მიქავას შორის. როგორც კახა მიქაია აცხადებს, მიქავამ მას სიტყვიერი შეურაცხყოფა მიაყენა. მისი თქმით, ის ფიზიკურადაც გაუსწორდებოდა,თუმცა ამის საშუალება მიქავას იქვე მყოფმა მოქალქეებმა არ მისცეს. კახა მიქაიას განცხადებით, მიქავამ მას ავტომობილის საქარე მინაც ჩაუმსხვრია. კახა მიქაია მომხდარს მის მიერ საკრებულოში გაკეთებულ მწვავე განცხადებებს უკავშირებს და მიქავას პროვოკაციაში ადანაშაულებს. მიქაია გრიგოლ მიქავას თანამდებობიდან გათავისულებას და მის დასჯას ითხოვს. რაც შეეხება გრიგოლ მიქავას,ის მომხდარზე ამ დრომდე კომენტარს არ აკეთებს. გვიან ღამით ადგილზე მობილიზებული იყო საპატრულო პოლიცია. მომხდარზე დაწყებულია გამოძიება.