რეჟსორმა ლუკ ბესონმა  ფრანგ მუსულმანებს ღია წერილით მიმართა, რომელშიც  მან მათ მოუწოდა, რომ უარი თქვან იარაღსა და ძალადობაზე და ამის მაგივრად კალამსა და ფანქრებს მოჰკიდონ ხელი.  წერილი გაზეთმა Le Monde-მ ორშაბათს, 12 იანვარს გამოაქვეყნა.

ბესონმა საფრანგეთის ხელისუფლების მიმართაც გააკეთა რამდენიმე კომენტარი. რეჟისორი ფიქრობს, რომ  მთავრობამ პრობლემის ისეთი გადაწყვეტა უნდა მონახოს, რომელიც მისი აზრით გაუცხოებულ მუსულმან ახალგაზრდობას განათლების მიღებასა და დასაქმებაში დაეხმარება.

„ძმაო, რომ იცოდე, როგორ მტკივა ის, რომ დღეს შენ და შენი შესანიშნავი რელიგია შეურაცხყოფილი, დამცირებული და დადანაშაულებული ხართ. დაივიწყეს შენი ძალა, შენი ენერგია, შენი იუმორი, შენი გული და შენი ძმობა.  ეს უსამართლობაა და ჩვენ ერთად უნდა შევაჩეროთ ეს უსამართლობა“, – დაწერა ბესონმა.  მან დაამატა, რომ მუსულმანებს უაზროდ უკეთებენ ასოციაციას ჯიჰადთან და ტერორთან.

რეჟისორმა ხაზი გაუსვა, რომ დემოკრატია თავდაცვის ინსტრუმენტებს გვთავაზობს: „კალაშნიკოვის ავტომატი 250 ევრო ღირს, ხოლო კალამი – 3 ევრო, ამ გზით გაცემული პასუხი კი ათასჯერ ძლიერი იქნება“.

ამ წერილით ბესონმა რეაგირება მოახდინა 2015 წლის 7 იანვარს სატირულ  ჟურნალ Charlie Hebdo-ზე თავდასხმის ფაქტთან დაკავშირებით.