Amazon Studios-მა ვუდი ალენი სატელევიზიო სერიალის რეჟისორად დაამტკიცა. ეს რეჟისორის კარიერაში პირველი სერიალი იქნება. პროექტის სათაური ჯერ არ მოუფიქრებიათ. ცნობილია, რომ თითოეული ეპიზოდი საათსა და 30 წუთს გასტანს და თავიდან ხელმისაწვდომი მხოლოდ Amazon Prime Instant Video-ზე იქნება. რაც შეეხება სცენარს, მას თავად ვუდი ალენი დაწერს. მას საოცრად შემოქმედებითი ხედვა აქვს. მის შემოქმედებათა სიაში ყველა დროის საუკეთესო ფილმებია. დიდი პატივია, ვუდი ალენის პირველი სერიალის შექმნაში მეც მიმიძღოდეს წვლილი. - ამბობს Amazon Studios-ის ვიცე-პრეზიდენტი როი პრაისი. ვუდი ალენის თქმით, მან არც კი იცის, როგორ აღმოჩნდა ამ პროექტში და წარმოდგენა არ აქვს, საიდან დაიწყოს საქმიანობა. ვარაუდობენ, რომ პირველი ეპიზოდები მომავალი წლიდან გამოჩნდება.