როდრიგო სანტორო, რომელიც მაყურებლისთვის ფილმებში „300 სპარტანელი“ და „300: იმპერიის აღზევება“ ქსერქსეს როლითაა ცნობილი, ტიმურ ბეკმაბეტოვის ისტორიულ დრამაში „ბენ-ჰური“ ქრისტეს როლს შეასრულებს. სურათი ლიუ უოლესის ნაწარმოებზე „ბენ-ჰური: ქრისტეს ისტორია / Ben-Hur: A Tale of the Christ” იქნება დაფუძნებული. მოქმედება ჩვენი წელთაღრიცხვით პირველი საუკუნის დასაწყისში ვითარდება, ხოლო სიუჟეტი იუდეველი პირნცის, ბენ ჰურის გარშემო იწყობა, რომელიც თავიდან ღალატის გამო მონა ხდება, ხოლო შემდეგ დამთხვევების წყალობით რომაელი დიდებულის მემკვიდრე. ის თავის სამშობლოში ბრუნდება , რათა მტერზე შური იძიოს და დაკარგული დედა და და იპოვოს. სანტოროსთან ერთად ფილმში ჯეკ ჰიუსტონი, ტობი კებელი, მარტინ ფრიმანი , ნაზანინ ბონიადი და ოლივია კუკი ითამაშებენ. სურათის პრემიერა 2016 წლის 26 თებერვლას შედგება.