ძმები კოენები კანის რიგით 68-ე კინოფესტივალის ჟიურის უფროსი წარმომადგენლები იქნებიან. წევრთა ოფიციალური სია და ფესტივალის სხვა დეტალები მიმდინარე წლის აპრილში გამოცხადდება. ერთი სული გვაქვს, კანში წელსაც დავბრუნდეთ! ეს საოცარი შესაძლებლობაა, მსოფლიოს სხვადასხვა ქვეყნის საუკეთესო ნამუშევრებს უყურო. კანის კინოფესტივალი ორივე ჩვენგანისათვის კარიერის დასაწყისშივე დიდ მნიშვნელობას ატარებდა. ჟიურის პრეზოდენტობა კი იმხელა პატივია, ვერც აღგიწერთ. მანამდე ასეთი საპასუხისმგებლო საქმე ჩვენს თავზე არასოდეს აგვიღია. - აცხადებენ ეთან და ჯოელ კოენები. როგორც იცით, მათ კანის კინოფესტივალთან დიდხნიანი თანამშრომლობა აკავშირებთ. თავადვე აქვთ მოგებული რამდენიმე ჯილდო და ორჯერ არიან დასახელებულნი საუკეთესო რეჟისორებად. ამჟამად ძმები ახალ სურათზე “სალამი კეისარს!” მუშაობენ. ფილმში მთავარ როლებზე ჯორჯ კლუნი, ქრისტოფ ლამბერტი, სკარლეტ იოჰანსონი, ტილდა სუინტონი, ჯოშ ბროლინი და ჩანინგ ტატუმი არიან დამტკიცებული. კანის კინოფესტივალი 13-დან 24 მაისამდე გაგრძელდება.