„ზუგდიდის განვითარების ცენტრის“ ხელმძღვანელი და ქალაქის საკრებულოს წევრი „ერთიანი ნაციონალური მოძრაობიდან“ ანა წითლიძე ზუგდიდის საკრებულოს თავმჯდომარის მერაბ ქვარაიას განცხადებას პასუხობს. "მერაბ ქვარაიას განცხადება მის პოლიტიკურ კარიერაში სამარცხვინო განცხადებად ჩაიწერება, ის რაც ხდება არის მარტივი, მერიამ და საკრებულომ, რომლებმაც ორჯერ გაიზარდეს ხელფასები, ამ ბავშვებს უარი უთხრეს, უფასო განათლებაზე". მედიასთან საუბარში, ის უარს აცხადებს, იყოს კომისიის შემადგენლობაში, რომელიც შეისწავლის არასამთავრობო ორგანიზაციების განცხადებებს თანადაფინანსების მოთხოვნის შესახებ. ზუგდიდის განვითარების ცენტრი მოითხოვს ადგილობრივი ბიუჯეტიდან ოფისის საფასურის დაფარვას. იმ შემთხვევაში, თუ ადგილობრივი ხელისუფლება, ცენტრის მოთხოვნას არ დააკმაყოფილებს, „ზუგდიდის განვითარების ცენტრი“ 1000-მდე მოსწავლისთვის ლექციების ჩატარებას სამხარეო ადმინისტრაციის ფოიეში გეგმავს.