ბანანის ნამცხვარი შოკოლადით
რეცეპტის ინგრედიენტები:
1 1/2 (ერთნახევარი) ჭიქა ფქვილი
1 ჭიქა შაქარი
1 1/2 ჩაის კოვზი სოდა
1/4 ჩაის კოვზი მარილი
1 ჩაის კოვზი ვანილი
2 ცალი ბანანი
1 ცალი კვერცხი
1/2 ჭიქა (115 გრამი) გამდნარი კარაქი
1/4 ჭიქა რძე
3/4 ჭიქა შოკოლადის წვეთები/ღილები
შაქრის პუდრა მოსაფრქვევად
მომზადების წესი:
1. გააცხელეთ ღუმელი 175C გრადუსზე. მოაცხეთ ცხიმი 20×20სმ ზომის საცხობ ლანგარს.
2. დიდი ზომის თასში ერთმანეთს შეურიეთ მშრალი ინგრედიენტები.
3. მეორე თასში ჩაჭყლიტეთ ბანანები, შეურიეთ კვერცხი, გამდნარი კარაქი და რძე.
4. ბანანის მასა ფქვილის მშრალ მასას ფრთხილად შეურიეთ, ნუ გადაამეტებთ. ბოლოს შოკოლადიც შეურიეთ.
5. გადაიტანეთ საცხობ ლანგარზე და აცხვეთ დაახლოებით 40 წუთის განმავლობაში.
მასალის გამოყენების პირობები