ქალაქ ზუგდიდის საკრებულომ მიწის ნორმატიული ფასი განსაზღვრა
დღეს ქალაქ ზუგდიდის საკრებულომ, მუნიციპალიტეტის ტერიტორიაზე არსებული სახელმწიფო და საკუთრებაში არსებული, არასასოფლო-სამეურნეო დანიშნულების მიწის ნორმატიული ფასი დაადგინა.
დადგენილების თანახმად, ცენტრალური ზონის პირველ ქვეზონაში 1 კვ/მ მიწის ნორმატიული ფასი 74,088 ლარით განისაზღვრა, ხოლო მეორე ქვეზონაში- 56,7 ლარით.
ქალაქის შუალედურ ზონაში მიწის ფასი 37,8 ლარი იქნება, რაც შეეხება პერიფერიულ ზონას, აქ 1 კვ/მ მიწის ნორმატიული ფასი 21 ლარიდან 27 ლარამდე განისაზღვრა.
ეკონომიკის, ურბანული განვითარებისა და ქონების მართვის საკითხთა კომისიის თავმჯდომარის თენგიზ ქოჩუას განმარტებით, დადგენილი ფასები მინიმალურია და აუქციონზე ის საწყის ფასად ითვლება.მისივე თქმით, გარდა დადგენილებისა,აუქციონზე გასატანი მიწის ფასის განსაზღვრას,აუდიტის შესაბამისი დასკვნაც დასჭირდება.
მასალის გამოყენების პირობები