რუსი ოპოზიციონერი ალექსეი ნავალნი დამნაშავედ სცნეს
მოსკოვის სასამართლომ გავლენიან ოპოზიციონერს განაჩენი გამოუტანა. ალექსეი ნავალნის "ივ როშეს" საქმესთან დაკავშირებით პირობითი სასჯელი – 3 წელიწადნახევარი მიუსაჯეს.
სასამართლომ განაჩენი ამავე საქმეზე ოპოზიციონერის ძმასაც გამოუტანა, თუმცა სამ წელიწადნახევარს ოლეგ ნავალნი ციხეში გაატარებს. მოსკოვის მერობის ყოფილ კანდიდატს 5 მილიონამდე რუბლის ჯარიმის გადახდაც დააკისრა.
ალექსეი ნავალნის და მის ძმას ბრალად ედებათ კომპანია "ივ როშეს" თანხების მითვისება, თავად ოპოზიციონერი თავს უდანაშაულოდ მიიჩნევს და აცხადებს, რომ ბრალდება პოლიტიკურად მოტივირებულია.
მასალის გამოყენების პირობები