თბილისში აქცია Je Suis Charlie გაიმართება
საფრანგეთში მომხდარი ტერაქტის გამო დაწყებულ სოლიდარობის გლობალურ კამპანიას საქართველოც უერთდება.
აქცია Je Suis Charlie (მე ვარ შარლი) დღეს თბილისში, 19:00 საათზე, დავით აღამაშენებლის ქუჩაზე გაიმართება.
აქცია გუშინ საღამოს სოციალურ ქსელ "ფეისბუკით" დაანონსდა.
"ჩვენ ვიზიარებთ ფრანგი ხალხის მწუხარებას პარიზში, 7 იანვარს სატირულ ჟურნალ Charlie Hebdo-ზე განხორციელებული ტერორისტული თავდასხმის შედეგად მოკლული 12 ადამიანის გამო და ვგმობთ გამოხატვის თავისუფლების დათრგუნვისკენ მიმართულ ძალადობას.
8 იანვარი საფრანგეთის პრეზიდენტმა ფრანსუა ოლანდმა ეროვნულ გლოვის დღედ გამოაცხადა. ჩვენ, საქართველოს მოქალაქეები, თანადგომას და სოლიდარობას ვუცხადებთ ფრანგ ხალხს," - ნათქვამია აქციის ორგანიზატორების განცხადებაში.სოლიდარობის აქცია საღამოს 7 საათზე, დავით აღმაშენებლის გამზირზე, ვარდების ბაღის გვერდით, საქართველოს ფრანგულ ინსტიტუტთან გაიმართება.
მასალის გამოყენების პირობები