ებოლას ვირუსით აშშ-ში მეორე ადამიანი დაინფიცირდა
აშშ-ში ებოლას ვირუსი კიდევ ერთ ადამიანს დაუდგინდა. ”ევრონიუსის” ცნობით, ტეხასის შტატში ვირუსით ექთანი დაავადდა. ამბერ ვინსონი ტეხასის საავადმყოფოში მუშაობდა, სადაც ცოტა ხნის წინ ებოლათი დაავადებული ლიბერიის მოქალაქე თომას დუნკანი მოათავსეს.
ვინსონი, დაავადების დიაგნოსტირებამდე, კლივლენდიდან ტეხასის ერთ-ერთ აეროპორტში ჩაფრინდა. შტატის ხელისუფლება ცდილობს დაუკავშირდეს იმავე რეისის 132 მგზავრს, რათა ისინი კარანტინში მოათავსონ.
ამერიკული საინფორმაციო სააგენტოების ინფორმაციით, ექთნის საცხოვრებელ სახლში დეზინფექციის ჩასატარებლად უკვე გაიგზავნა სპეციალისტების ჯგუფი.
ლიბერიელი თომას დუნკანი ტეხასის საავადმყოფოში 1 კვირის წინ გარდაიცვალა. სამოცდაათი ადამიანი, რომელიც დუნკანს მკურნალობდა, მკაცრი დაკვირვების ქვეშ იმყოფება.
მასალის გამოყენების პირობები