საკრუიზო ხომალდზე,რომელზეც საქართველოს მოქალაქეებიც არიან,ებოლა არ დადასტურდა
დალასის ლაბორატორიის თანამშრომელს, რომელიც ამერიკულ საკრუიზო ხომალდ „კარნივალ მეჯიკზე“ რამდენიმე საათის განმავლობაში იზოლილრებული იყო, ებოლა არ დაუდასტურდა.
საკრუიზო გემის მგზავრებმა ხომალდი უკვე დატოვეს. გავრცელებული ინოფორმაციით, ხომალდზე მყოფი მგზავრების ჯანმრთელობას საფრთხე არ ემუქრება.
ხომალდ „კარნივალ მეჯიკზე“ მყოფმა დალასის კლინიკის ერთ-ერთმა თანამშრომელმა, რომელსაც, შესაძლოა, შეხება ჰქონოდა ებოლით დაავადებულ პაციენტთან, თავად მოითხოვა იზოლირებულ ოთახში გადაყვანა. ქალბატონს რამდენიმე საათში ანალიზი ჩაუტარდა, რამაც დაადასტურა, რომ ის ებოლით არ იყო დაავადებული.
საკრუიზო ხომალდ „კარნივალ მეჯიკზე“ ასევე იმყოფება საქართველოს სამი მოქალაქე. მათ შორის ერთ-ერთი მეზღვაური 23 წლის ბაჩანა გოგიტიძეა. ის ოჯახს ტელეფონით დაუკავშირდა და გემზე არსებულ ვითარებაზე ინფორმაცია მიაწოდა. ხათუნა გოგიტიძის განცხადებით, მისი შვილი თავს კარგად გრძნობს.
გემი ტეხასიდან მექსიკაში მიემგზავრებოდა. ებოლის საფრთხის გამო, მექსიკისკენ მიმავალმა საკრუზო გემმა მარშრუტი შეცვლა და ტეხასის პორტში დაბრუნდა.
მასალის გამოყენების პირობები