ზუგდიდის ინფექციურ საავადმყოფოში ჩატარებული კვლევის შედეგად კორონავირუსი კიდევ ერთ პირს დაუდგინდა. ინფიცირებული არასრულწლოვანია და ის ტრაილერის მძღოლის კლასტერს განეკუთვნება. 

რამდენიმე საათით ადრე, Covid 19-ი დაუდგინდა მამაკაცის 2 ნათესავს, რომლებიც ანაკლია-განმუხურის საკარანტინო ზონაში იმყოფებოდნენ. 

ამ დროისთვის აღნიშნული პირის კონტაქტებიდან კარანტინში 27 ადამიანია გადაყვანილი, 8 პირი კი თვითიზოლაციაშია. ახალი კორონავირუსი ამ ეტაპზე მძღოლის ოჯახის 6 წევრს, მათ შორის 3 არასრულწლოვანს დაუდასტურდა. 

42 წლის მამაკაცი ორმხრივი პნევმონიით თბილისში გუშინ გადაიყვანეს. სხვა პაციენტები კი მკურნალობას რუხის კლინიკაში განაგრძობენ. მედიკოსების შეფასებით, მათი ჯანმრთელობის მდგომარეობა სტაბილურია. 

ტრაილერის მძღოლი, რომელსაც მაღალი სიცხე 9 მაისიდან აღენიშნებოდა, რუხის საავადმყოფოში 14 მაისს გადაიყვანეს. PCR კვლევის შედეგად მას კორონავირუსი დაუდგინდა. ის სომხეთიდან 17 აპრილს დაბრუნდა. 2 კვირიანი თვითიზოლაციის შემდეგ მამაკაცი ქვეყანაში შიდა გადაზიდვებს ახორციელებდა. 

ამავე თემაზე: 

ზუგდიდში, წერეთლის ქუჩის მოსახლეობას თერმოსკრინინგს უტარებენ

Covid 19-ით ინფიცირებული ზუგდიდელი მამაკაცის კონტაქტები, მათ შორის 15 არასრულწლოვანი კარანტინში გადაიყვანეს 

კორონავირუსით ინფიცირებული ზუგდიდელი მამაკაცის ოჯახის 3 წევრს Covid 19-ი დაუდასტურდა 

Covid 19-ით ინფიცირებული ზუგდიდელი მამაკაცის კონტაქტებს თბილისსა და ფოთშიც იკვლევენ