ახალი ამბები
„მინდა, რომ პოლიციამ ჩემი შვილი დაიცვას“ - მდუმარე აქცია ზუგდიდში
ზუგდიდში, სკეიტ პარკის მიმდებარედ სამოქალაქო აქტივისტებმა და მშობლებმა 15 წლის მოზარდის გარდაცვალებასთან დაკავშირებით, მდუმარე აქცია გამართეს. მშობლის ნათია ეხვაიას თქმით, პოლიცია არ შეიძლება იყოს ის სისტემა, სადაც ხდება გარკვეული ძალადობა.

„როგორც მშობელი და დედა თავს დაუცველად ვგრძნობ. პოლიცია ეს არ არის ის სისტემა, სადაც უნდა ხდებოდეს გარკვეული ძალადობა, მით უმეტეს როდესაც საქმე ეხება მოზარდს. მინდა, რომ პოლიციამ დაიცვას ჩემი შვილი და მინდა, რომ ჩემი შვილი პოლიციაში თავს დაცულად გრძნობდეს“, - თქვა ნათია ეხვაიამ.

აქციის მონაწილეები მოზარდის გარდაცვალების საქმის დროულ გამოძიებას მოითხოვენ. ამასთან ამბობენ, რომ ბავშვების მიმართ მეტი ყურადღება უნდა გამოიჩინოს, როგორც ოჯახმა, ასევე სკოლამ.

„დამნაშავე ვართ ყველა ერთად. მე გამიჭირდება რომელიმე უწყების დადანაშაულება. მეტი ყურადღება გვმართებს ბავშვების მიმართ მშობლებს და სკოლას, ამ კუთხით სახელმწიფოსაც მეტი პასუხისმგებლობა უნდა ჰქონდეს.მხოლოდ ლუკას არ ჰქონდა პრობლემა, ჩემს შვილსაც აქვს და მის თანატოლსაც. მინდა, რომ ეს ტრაგედია ბოლო იყოს და მსგავსი შემთხვევებისგან თავის არიდება შევძლოთ“, - ამბობს ნათია სახოკია.

სამოქალქო აქტივისტი ციცინო შენგელია მიიჩნევს, რომ 15 წლის ლუკა სირაძე, რომელმაც სიცოცხლე თვითმკვლელობით დაასრულა, სისტემის მსხვერპლია.

„დღეს ლუკა არის სისტემის მსხვერპლი, ისევე როგორც სხვა ახალგაზრდები, რომლებიც იღუპებიან იმის გამო, რომ ინსტიტუციები ვერ მუშაობენ სწორად და გამართულად. მე არ მინდა, რომ ჩვენს ქვეყანაში კიდევ ერთხელ მომიწიოს გამოსვლა მოზარდზე ძალადობის გამო, იმ სისტემის გამო რომელიც მას უნდა იცავდეს“, - აღნიშნა შენგელიამ.
თავდაპირველად მდუმარე აქცია პოლიციის შენობასთან იყო დაგეგმილი, თუმცა სამოქალქო აქტივისტები მშობლების მიერ დაგეგმილ აქციას შეუერთდნენ.

ამავე თემაზე:

Print Email
FaceBook Twitter
ანაკლიის პორტის პროექტის და ქალაქ ანაკლიის შემდგომ ბედზე საუბრისას, პოლიტიკური მოძრაობის „ლელოს საქართველოსთვის“ ლიდერმა აღნიშნა,
პოლიტიკური მოძრაობის „ლელო საქართველოსთვის“ ლიდერის მამუკა ხაზარაძის განცხადებით, აუცილებელია აფხაზებთან პირდაპირი დიალოგი.
დილის გადაცემის სტუმარი იყო პოლიტიკური მოძრაობა ,,ლელო საქართველოსთვის'' ლიდერი მამუკა ხაზარაძე.
საზოგადოება
მართლმადიდებელი ეკლესია დღეს, ნათლისღების დღესასწაულს აღნიშნავს. ამასთან დაკავშირებით, ტაძრებში წირვა - ლოცვა ტარდება. ასევე, შესრულდება წყლის კურთხევის რიტუალი. მსახურების ბოლოს
ndi-ის კითხვაზე, როგორი დამოკიდებულება გაქვთ პოლიტიკოსების მიმართ, ყველაზე უარყოფითი შეფასება ბიძინა ივანიშვილს და სალომე ზურაბისშვილს აქვს, შემდეგ კი მიხეილ სააკაშვილს. გამოკითხულთა უმრავლესობამ მიხეილ
ეროვნულ-დემოკრატიული ინსტიტუტის (NDI)  კვლევის მიხედვით, საქართველოს მართლმადიდებელ ეკლესიის საქმიანობას გამოკითხული მოსახლეობის ნახევარი დადებითად აფასებს.
მთავარი საინფორმაციო გამოშვება
არქივი
ამინდი
ზუგდიდი 4 °C
img
სოხუმი 7 °C
img
ფოთი 7 °C
img
მესტია -5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.