ზუგდიდში ფეხბურთის ფედერაციის წარმომადგენლები მწვრთნელებს შეხვდნენ (ვიდეო)
15:01 / 21.07.2016
ფეხბურთის ფედერაციის ვიცე-პრეზიდენტი კახაბერ ჭუმბურიძე, ახალგაზრდა
ნაკრების
მწვრთნელი გია გეგუჩაძე და ფედერაციის სხვა წარმომადგენლები, დღეს
ზუგდიდში, "ბაიას" ბაზაზე, სამეგრელოს რეგიონის საფეხბურთო სკოლების
მწვრთნელებს შეხვდნენ.
მათ შეხვედრის მონაწილეებს ის პროგრამები გააცნეს, რომელთა
ამოქმედებასაც ფედერაცია უახლოეს მომავალში გეგმავს.
ჭუმბურიძის განცხადებით, ფედერაციისთვის პრიორიტეტულია რეგიონებში
ბავშვთა ფეხბურთის განვითარება და ამ მიზნით, სხვადასხვა ღონისძიებები
ჩატარება. მათ შორის, დაგეგმილია მწვრთნელების გადამზადება,
სკოლებისთვის გარკვეული ინვენტარის მიწოდება, ეკიპირება და სხვა.
ვიცე-პრეზიდენტმა შეხვედრაზე ასევე აღნიშნა, რომ ზუგდიდის ფეხბურთის
აკადემია, რომლის დახურვაც იგეგმებოდა, ფუნქციონირებას
გააგრძელებს.
21 წლამდე ნაკრების მწვრთნელმა გია გეგუჩაძემ კი მათ უთხრა, რომ
რეგიონის სკოლების განვითარებას უდიდესი მნიშვნელობა აქვს, რადგან აქ
განსაკუთრებულად ნიჭიერი ფეხბურთელები იზრდებიან.
თავის მხრივ, აღმზრდელებმა ყველაზე მწვავე პრობლემებზე გაამახვილეს
ყურადღება. მათი თქმით, სკოლებში არ არის ელემენტარული სათამაშო
პირობები, არა აქვთ ბურთები, სათამაშო მოედნები, ფორმები და სხვ.
საფეხბურთო სკოლის ხელმძღვანელებმა კახა ჭუმბურიძეს ადგილობრივ
ხელისუფლებასთან შუამდგომლობა და მუნიციპალიტეტების მხრიდან მეტი
ყურადღების გამოჩენა სთხოვეს.
48 საათიანი პატიმრობის შემდეგ, ზუგდიდელი აქტივისტი, როსტომ ზარანდია თავისუფალია. მან გვითხრა, რომ კანონსაწინააღმდეგო არაფერი ჩაუდენია. ზარანდია წინასწარი დაკავების იზოლატორში იმყოფებოდა და მას შემდეგ, რაც ოცდაოთხსაათიანი ვადა ორჯერ ამოიწურა, გამოუშვეს. მისივე თქმით, დაკავების მომენტში, მას პოლიციელებმა სიტყვიერი და ფიზიკური შეურაცხყოფა მიაყენეს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები