სამეგრელოში "ოცნების" დეპუტატობის კანდიდატებმა პატრიარქისგან რჩევა-დარიგებები მიიღეს
"ქართული ოცნება - დემოკრატიული საქართველოს" სამეგრელოს რეგიონის
მაჟორიტარი დეპუტატების
კანდიდატები საქართველოს კათოლიკოს-პატრიარქს შეხვდნენ. ქალაქ
ზუგდიდის მაჟორიტარი დეპუტატობის კანდიდატის მერაბ ქვარაიას თქმით,
მათ უწმინდესისგან ლოცვა-კურთხევა და რჩევები მიიღეს. პატრიარქსა და
პოლიტიკოსებს შორის შეხვედრა 13 აგვისტოს საპატრიარქოში გაიმართა.
"ძალიან თბილი შეხვედრა გვქონდა, ბევრი სასარგებლო რჩევა - დარიგება
მივიღეთ. პატრიარქის შეხვედრის შემდეგ არ შეიძლება ემოციის ქვეშ არ
იყო ადამიანი და აი, ამ განწყობით ვიწყებთ საარჩევნო კამპანიას", -
უთხრა რადიო "ათინათს" მერაბ ქვარაიამ.
აღნიშნულ შეხვედრას არ დასწრებია ხობის მაჟორიტარი დეპუტატობის
კანდიდატი და მოქმედი დეპუტატი გოდერძი ბუკია.
ცნობისთვის, სამეგრელოში პარტიის მაჟორიტარი დეპუტატები არიან: ქალაქი
ზუგდიდი - მერაბ ქვარაია, ზუგდიდის მუნიციპალიტეტი - ედიშერ თოლორაია,
წალენჯიხა და ჩხოროწყუ - გოგა გულორდავა, მარტვილი - აბაშა - ოთარ
დანელია, ფოთი - ირაკლი ხახუბია.
მასალის გამოყენების პირობები