თეატრის რეაბილიტაციის პროექტისთვის მერია თანხას გამოყოფს (ვიდეო)
17:39 / 15.11.2016
შალვა დადიანის სახელობის ზუგდიდის დრამატული თეატრის რეაბილიტაციის
პროექტისთვის მერიის სარეზერვო
ფონდიდან 58 000 ლარი გამოიყოფა. ამის შესახებ
საკრებულოს დღევანდელ სხდომაზე გახდა ცნობილი.
მერიის საფინანსო-საბიუჯეტო სამსახურის უფროსის მურთაზ ბოკუჩავას
თქმით, აღნიშნული თანხა საპროექტო დოკუმენტაცის მოსამზადებლად
საკმარისია, ხოლო უშუალოდ თეატრის რეაბილიტაციაზე კულტურის სამინისტრო
იზრუნებს. მისივე ინფორმაციით, სამინისტროს დონორი მოძიებული ჰყავს და
სარემონტო სამუშაოები შემდგომში დაიწყება.
ფრაქცია "ერთიანი ნაციონალური მოძრაობის" წევრმა ანა წითლიძემ
განაცხადა, რომ ამის დაგეგმვა წლის დასაწყისშიც შეიძლებოდა, რაზეც
საკრებულოს თავმჯდომარის მოვალეობის შემსრულებელმა გიორგი თოდუამ
უპასუხა, რომ იმ ეტაპისთვის არ იყო ცნობილი საჭირო ხარჯების
შესახებ.
"ძალიან კარგია, რომ წლის ბოლოს მიხვდა მერია, რომ სარეზერვო ფონდში
არსებობს თანხა და ამიტომაც კარგი იქნება, თუ მას გამოიყენებენ
თეატრისთვის, თუმცა, წლის დასაწყისში რომ გადაერიცხათ ეს თანხა, უფრო
ეფექტური და რაციონალური იქნებოდა", - აღნიშნა წითლიძემ.
ცნობისთვის, ზუგდიდის თეატრის შენობა ავარიულია და უსაფრთხოებიდან
გამომდინარე იქ სპექტაკლები არ იმართება. დასი ამჟამად მოსწავლე
ახალგაზრდობის სასახლის შენობაში მუშაობს, ხოლო სპექტაკლები
კულტურის სახლ „ოდიშში“ იმართება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები