არასამთავრობო: მოსახლეობას სოციალური სერვისების შესახებ ინფორმაცია არა აქვს (ვიდეო)
17:29 / 28.11.2016
საზოგადოებრივმა ორგანიზაციამ "მერკური"
სოციალურ სერვისებზე ინფორმაციის ხელმისაწვდომობაზე
ზუგდიდისა და ჩხოროწყუს მუნიციპალიტეტებში კვლევა ჩაატარა.
ორგანიზაციამ შედეგები ზუგდიდის დემოკრატიული ჩართულობის ოფისში
არასამთავრობო ორგანიზაციის, მედიისა და ადგილობრივი თვითმმართველობის
წარმომადგენლებს გააცნო. აღნიშნულ მუნიციპალიტეტებში 200-მდე ადამიანი
გასულ თვეში გამოიკითხა.
ორგანიზაციის ხელმძღვანელის ნანა თოდუას თქმით, ორივე ქალაქში,
გამოკითხულთა უმრავლესობას მუნიციპალიტეტის სოციალურ სერვისებზე
ინფორმაციის ხელმისაწვდომობა არა აქვს, ხოლო ამ სერვისებით
მოსარგებლეთა დიდი ნაწილი მომსახურებით უკმაყოფილოა.
კითხვაზე, რამდენად სრულად ფარავს მუნიციპალიტეტის სოციალური
პროგრამები მოსახლეობის პრობლემებს, რესპოდენტთა 3,4% პასუხობს, რომ
ფარავს, ნაწილობრივ ფარავს - თვლის გამოკითხულთა 55,5%, 41,1 %
ამბობს, რომ არ ფარავს. ანალოგიურ კითხვაზე ჩხოროწყუში გამოკითხულთა
10,7% პასუხობს, რომ ფარავს, 60%-ის აზრით - ნაწილობრივ ფარავს,
29,3% მიიჩნევს, რომ არ ფარავს.
ასევე, კითხვაზე რამდენად რთული იყო საჭირო დოკუმენტის შეგროვებისა და
წარდგენის პროცესი, მოსახლეობა მიიჩნევს, რომ ეს პროცესი რთულია.
ამავე კვლევის მიხედვით, რესპოდენტები ამბობენ, რომ სოციალური
სერვისების შესახებ ინფორმაციას ნაცნობებისგან იღებენ.
კითხვაზე, თუ რა გზით სურთ მათ აღნიშნულ სერვისებზე ინფორმაციის
მიღება, გამოკითხულთა უმრავლესობა შეხვედრებს და მასმედიის
საშუალებებს ასახელებს.
გარდა ამისა, ორგანიზაცია თვითმმართველობებს რეკომენდაციებს აძლევს.
ის მიიჩნევს, რომ ადგილობრივმა ხელისუფლებამ სოციალური პოლიტიკის
დაგეგმვისას ბენეფიციართა საჭიროებების კვლევები უნდა გამოიყენოს.
ასევე, აუცილებელია მოსახლეობის ინფორმირება, როგორც მასმედიის,
ასევე, სხვადასხვა შეხვედრების საშუალებით.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები