ზუგდიდში ქალი იარაღის უკანონო შეძენა - შენახვის ბრალდებით დააკავეს
შსს-ს სამეგრელო-ზემო სვანეთის პოლიციის დეპარტამენტის
თანამშრომლებმა, ჩატარებული ოპერატიულ-საგამოძიებო ღონისძიების
შედეგად, ცეცხლსასროლი იარაღის უკანონო შეძენა-შენახვის ბრალდებით,
1964 წელს დაბადებული მ.ქ. ზუგდიდში დააკავეს.
სამართალდამცველებმა, დაკავებული ქალის პირადი ჩხრეკისას, კუსტარულად
გადაკეთებული 3 პისტოლეტი და 45 ვაზნა,
ხოლო მისი კუთვნილი სამონადირეო მაღაზიიდან - „სტრანგერის“ მოდელის 2
სანადირო თოფი, მარკირებისა და ნომრის გარეშე, ასევე, 224
სხვადასხვა კალიბრის საბრძოლო ვაზნა ამოიღეს.
უწყების ცნობით, გამოძიება ცეცხლსასროლი იარაღის მართლსაწინააღმდეგო
შეძენა-შენახვის ფაქტზე მიმდინარეობს (საქართველოს სსკ-ის 236-ე
მუხლის მე-2 ნაწილით).
მასალის გამოყენების პირობები