სასამართლო ზუგდიდის გამგეობის საატესტაციო კომისიის წევრებს დაკითხავს (ვიდეო)
17:16 / 24.02.2017
ზუგდიდის რაიონულმა სასამართლომ გამგეობიდან გათავისუფლებულების
საქმესთან დაკავშირებით
მოსარჩელე მხარის შუამდგომლობები განიხილა. ყოფილი საჯარო მოხელეების
უფლებადამცველი ორგანიზაციის საია-ს იურისტებმა სხდომაზე მოწმის სახით
იმ დროისთვის გამგებლის მოვალეობის შემსულებლის გურგენ სართანიას
დაკითხვისა და საქმეზე სხვადასხვა დოკუმენტაციის დართვის
შუამდგომლობები დააყენეს, რაც მოსამართლე ლაურა მიქავამ
დააკმაყოფილა.
ამასთან, სასამართლო საია-ს შუამდგომლობის საფუძველზე 2016 წლის 19
ნოემბრის გამგეობის შენობასა და გარე ტერიტორიაზე არსებული
ვიდეოკადრების ჩანაწერს გამოითხოვს.
სოფლის ყოფილი რწმუნებულები კომისიის ერთ-ერთი წევრის, ლავრენტი
ალანიას გასაუბრებაზე ყოფნას უარყოფენ და ამბობენ, რომ ამის
დამტკიცება სწორედ ვიდეოჩანაწერების ამოღებით იქნება შესაძლებელი.
„ლეგიტიმურ ეჭვს ბადებს ის, რომ არჩევნების დასრულებისთანავე
ჩაინიშნა ატესტაცია. სადავო არის ის, ხომ არ მოხდა პოლიტიკური ნიშნით
პირების დისკრიმინაცია და ამ ატესტაციის საფუძველი იყო თუ არა
დისკრიმინაცია. ამასთან დაკავშირებით სართანიას დაკითხვა არსებითად
მნიშვნელოვანი იქნება“, - განაცხადა საიას ზუგდიდის ოფისის
ხელმძღვანელმა ჯემალ ჭკადუამ.
მომდევნო სხდომაზე საატესტაციო კომისიის წევრები, მათ შორის,
გამგებელი ლაშა გოგია, მისი მოადგილე მამუკა წოწერია და საკრებულოს თავმჯდომარე
მაიზენ ნანავა დაიკითხებიან.
ცნობისთვის, ყოფილი საჯარო მოხელეების უფლებებს სასამართლოში
"ახალგაზრდა იურისტთა ასოციაცია" იცავს. მუნიციპალიტეტის სოფლებში
გამგებლის 8 წარმომადგენელი დაკავებული თანამდებობიდან კონკურსის
შედეგების საფუძველზე გაათავისუფლეს, რომელიც გასული წლის ნოემბერში
ჩატარდა. სოფლის ყოფილი გამგებლები აცხადებენ, რომ ისინი სამსახურიდან
უსამართლოდ, პოლიტიკური ნიშნით გაათავისუფლეს.
48 საათიანი პატიმრობის შემდეგ, ზუგდიდელი აქტივისტი, როსტომ ზარანდია თავისუფალია. მან გვითხრა, რომ კანონსაწინააღმდეგო არაფერი ჩაუდენია. ზარანდია წინასწარი დაკავების იზოლატორში იმყოფებოდა და მას შემდეგ, რაც ოცდაოთხსაათიანი ვადა ორჯერ ამოიწურა, გამოუშვეს. მისივე თქმით, დაკავების მომენტში, მას პოლიციელებმა სიტყვიერი და ფიზიკური შეურაცხყოფა მიაყენეს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები