საქალაქთაშორისო მიმოსვლის შესახებ ზუგდიდში შეხვედრა გაიმართა,
სადაც ამ საკითხზე მომზადებული კვლევის შედეგები წარადგინეს. კვლევა
ფონდის
„პარტნიორობა საგზაო უსაფრთხოებისთვის“ და
CRRC-საქართველოს
ორგანიზებით ჩატარდა.
მასში საგზაო უსაფრთხოების დარღვევის სხვადასხვა ფაქტი გამოვლინდა,
მათ შორის, მძღოლების მხრიდან სიჩქარის გადაჭარბება, ტელეფონის
გამოყენება, მანევრირება, მგზავრების ფეხზე დაყენება ან მათი
დამატებით სკამებზე განთავსება.
CRRC-საქართველოს მკვლევარის გიორგი ბაბუნაშვილის
თქმით, მათ მიერ ჩატარებულმა მონიტორინგმა გარკვეული შედეგი
გამოიღო.
„მძღოლების მხრიდან შემცირდა დარღვევების ფაქტები, მაგალითად,
სიგარეტის მოწვევა, ტელეფონით სარგებლობა, აგრესიული
მანევრირება“, - აღნიშნა ბაბუნაშვილმა.
ფონდ “პარტნიორობა საგზაო უსაფრთხოებისთვის“დირექტორის ირაკლი იზორიას
თქმით, შესაბამისმა სამსახურებმა უნდა იცოდნენ არსებული პრობლემების
შესახებ და აუცილებელია გაიზარდოს ადგილობრივი ხელისუფლების ჩართულობა
მათ მოგვარებაში.
მკვლევარების რეკომენდაციით, საგზაო უსაფრთხოებისთვის საჭიროა
საკანონმდებლო სიცარიელეების ამოვსება, მონიტორინგი და აღსრულების
ეფექტური გზები. ამასთან, მნიშვნელოვანი რეფორმების გატარებაა საჭირო,
რომელიც მიმართული იქნება მგზავრთა უსაფრთხოებისა და კომფორტის
ზრდაზე.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები