ერისთავის ქუჩაზე ორსართულიანი სახლი მთლიანად დაიწვა (ვიდეო)
16:35 / 10.05.2017
ზუგდიდში, ერისთავის ქუჩაზე, ორსართულიანი სახლი მთლიანად დაიწვა.
ოჯახის წევრებმა სახლიდან ნივთების გამოტანა ვერ მოახერხეს,
თავად კი მეზობლების დახმარებით გამოვიდნენ. შემთხვევას მსხვერპლი არ
მოჰყოლია. თვითმხილველების ინფორმაციით, ხანძარი სწრაფად გავრცელდა და
მათ სახანძრო მაშინვე გამოიძახეს, თუმცა, სამაშველო სამსახური 25
წუთის დაგვიანებით მოვიდა.
„შუქი ჩაქრა, შემდეგ მოვიდა და გარეთ რომ გამოვიხედე, ალი
დავინახე, მაშინვე გამოვვარდით, სახაძნროც გამოვიძახეთ. დროზე რომ
მოსულიყვნენ, ამხელა ზარალი არ იქნებოდა“, - უთხრა
ჟურნალისტებს მეზობელმა რუსუდან ჩარგაზიამ.
სახანძრო-სამაშველო სამსახურის წარმომადგენლებმა კომენტარის გაკეთება
არ ისურვეს.
შემთხვევის ადგილზე იმყოფებოდა ქალაქის მერი ირაკლი გოგოხია, რომელიც
დაზარალებული ოჯახის წევრებს შეხვდა. ის შეროზიებს დაჰპირდა, რომ
ადგილობრივი ბიუჯეტიდან, შესაძლებლობის ფარგლებში, მათ დასახმარებლად
თანხა გამოიყოფა.
„რაც გვაქვს გათვალისწინებული ბიუჯეტში ასეთი
შემთხვევებისთვის, მაქსიმალურად დავეხმარებით, მოვა ჯგუფი, დაითვლის
ზარალს, შესაბამის უწყებებში გავუწევთ შუამდგომლობას, რომ გამოიყოს
ხის მასალაც“, - განაცხადა გოგოხიამ.
სახანძრო-სამაშველო სამსახურის წარმომადგენლები ამ წუთებშიც მუშაობენ
და ცეცხლის კერებს აქრობენ. მეზობლების ინფორმაციით, ხანძარი,
სავარაუდოდ, ელექტროსადენების მოკლე ჩართვის შედეგად გაჩნდა.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები