დღევანდელ სხდომაზე არასამთავრობო ორგანიზაციებსა და მოქალაქეებს
საკუთარი აზრის დაფიქსირების საშუალება
არ მიეცათ, - ამის შესახებ ზუგდიდში მოქმედმა ოთხმა არასამთავრობო
ორგანიზაციამ ქალაქის საკრებულოს დღევანდელ სხდომასთან დაკავშირებით
გამართულ ერთობლივი ბრიფინგზე განაცხადა. მათივე თქმით, პროცედურის
მიხედვით, სიტყვის გამომსვლელთა სია წინასწარ იყო შედგენილი, თუმცა
აზრის გამოხატვის შესაძლებლობა არ მეიცათ.
არასამთავრობო ორგანიზაცია „საუნჯეს“ თავმჯდომარის იაგო ფასანძის
თქმით, მიუხედავად მაღალი საზოგადოებრივი ინტერესისა, სხდომის ზუსტი
თარითი მხოლოდ 45 წუთით ადრე გასაჯაროვდა.
„
მოქალაქეთა დიდ ნაწილ სხდომაზე დასწრების საშუალება არ
მიეცა. თავმჯოდმარემ ვერ უზრუნველყო მისი ნორმალურ გარემოში ჩატარება.
გარდა ამისა, მისაღებ საკითხთან დაკავშირებით არ გამართულა არანაირი
საჯარო განხილვა მოქალაქეთა მონაწილეობით“, - დასძინა
ფასანძემ.
რაც შეეხება პროცედურულ საკითხებს, საიას ზუგდიდის ოფისის
ხელმძღვანელის ჯემალ ჭკადუას განმარტებით, რეგლამენტი დაირღვა,
რადგანაც დამსწრეებს არ მიეცათ საკუთარი აზრის გამოხატვის საშუალება.
ამასთან, გაუგებარი იყო, თუ რას უყარა კენჭი საკრებულომ, ან რატომ
დატოვა სხდომათა დარბაზი თავმჯდომარემ.
„საკრებულოს თავმჯდომარემ რამდენჯერმე დატოვა სხდომა.
შემოსვლისას კი განაცხადა, რომ კენჭისყრა უნდა ჩატარებულიყო. მას
შემდეგ, რაც რამდენიმე წევრმა აწია ხელი, განაცხადა, რომ სხდომა
დახურულია. მხოლოდ ამის შემდეგ გაირკვა, რომ კენჭი მუნიციპალიტეტების
გაერთიანების საკ
ითხის მოწონებას უყარეს. როგორც
მინიმუმ, მოწინააღმდეგეების რაოდენობა უნდა დაეფიქსირებინა და მათი
პოზიცია განხილულიყო“, - აღნიშნა ჭკადუამ.
საიას ადგილობრივი ორგანიზაციის ოფისში ერთობლივი განცხადება
„ახალგაზრდა იურისტთა ასოციაციამ“, „საერთაშორისო გამჭვირვალობა -
საქართველომ“, „საუნჯემ“ და „სამართლიანმა არჩევნებმა“ გააკეთეს.
ქალაქ ზუგდიდის საკურებულომ 12 ხმით 3-ის წინააღმდეგ
მუნიციპალიტეტების გაერთიანების საკითხს მხარი დაუჭირა. დღევანდელ
სხდომას საკრებულოს თხუთმეტივე წევრი, აქტიური მოქალაქეები,
არასამთავრობო ორგანიზაციის და მედიის წარმომადგენლები ესწრებოდნენ.
სხდომაზე ასევე იმყოფებოდნენ ,,ერთიანი ნაციონალური მოძრაობის
წევრები''. სხდომა ხმაურით დაიწყო და მის დასრულებამდე სიტყვიერი
დაპირისპირების ფონზე მიმდინარეობდა. რის გამოც საკრებულოს
თავმჯდომარე ნატალია შეროზიამ ის დატოვა. შესვენების გამოცხადების
მიზეზი საკრებულოს თავმჯდომარის მიერ მოქალაქისთვის სიტყვის მიცემა
გახდა, რაც სხვა დამსწრეებმა გააპროტესტეს.
ამავე თემაზე:
მასალის გამოყენების პირობები