გაუჩინარებულის მშობლები: ყველაფერს გავიღებთ, ოღონდ შვილი გვაჩვენონ და დაგვიბრუნონ (ვიდეო)
13:25 / 13.10.2017
„არაფერს ვითხოვთ, გარდა იმისა, რომ შვილი გვაჩვენონ და დაგვიბრუნონ,
ამისთვის ყველაფერს გავიღებთ“, - უთხრა
რადიო „ათინათს“ 5 წლის წინ ანაკლიაში
გაუჩინარებული გოგიტა აბულაძის მამამ.
აბულაძის მშობლების თქმით, ინფორმაციას მათი შვილის გაუჩინარების
შესახებ სამეგრელოს რეგიონში კონტრდაზვერვის დეპარტამენტის ყოფილი
უფროსი მალხაზ პაჭკორია ფლობს.
„ვეცადეთ პაჭკორიასთან შეხვედრას, მაგრამ მან გვითხრა, არ ვიცნობ
გოგიტა აბულაძეს და არაფერი ვიციო. გვინდა გავიგოთ, ცოცხალია თუ
მკვდარია ჩვენი შვილი, უკევ მეექვსე წელია ვეძებთ. გვეუბნებიან, რომ
გამოძიება მიმდინარეობს და ასე გვატყუებენ. მთავრობის
წარმომადგენლებსაც შევხვდით, გვითხრეს, გვაცადეთო. ვზივართ და
ველოდებით, იქნებ ვინმე მოვიდეს და რამე ინფორმაცია გვითხრას ჩვენს
შვილზე“, - თქვა აბულაძის დედამ ცინარა აბულაძემ.
შს სამინისტროში აცხადებენ, რომ ფაქტზე გამოძიება სს კოდექსის 143-ე
მუხლით მიმდინარეობს, რაც თავისუფლების უკანონო აღკვეთას
გულისხმობს.
2012 წლის 18 იანვარს გაუჩინარებული გოგიტა აბულაძის მშობლები აქციას
გუბერნიის წინ მართავენ. მათი მთავარი მოთხოვნა აღნიშნულ საქმესთან
დაკავშირებით გამოძიების დასრულება და სიმართლის გარკვევაა. მათი
თქმით, გამოძიებას ხელს სამეგრელოს რეგიონში კონტრდაზვერვის
დეპარტამენტის ყოფილი უფროსი უშლის, რომელიც ამჟამად თბილისში მაღალ
თანამდებობაზე მუშაობს.
ანაკლიის მკვიდრი გოგიტა აბულაძე ხუთი წლის წინ სახლიდან სამასახურში
- სასტუმრო "ანაკლიაში" წავიდა, რის შემდეგაც ის გაუჩინარდა. ორი თვის
შემდეგ ოჯახმა წერილი იპოვა, რომელშიც ეწერა: "გადავედი აფხაზეთში
ჟენიას შესახვედრად. ამის შესახებ იცის მალხაზ პაჭკორიამ".
ამავე თემაზე:
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
სამეგრელო-ზემო სვანეთის სახელმწიფო რწმუნებულმა გიორგი გუგუჩიამ ზუგდიდში "ოჯახურ ღირებულებათა და არასრულწლოვანთა დაცვის შესახებ" საკონსტიტუციო განხილვისას სიტყვით გამოსვლაში აღნიშნა, რომ მისთვის როგორც
ზუგდიდის საკრებულოს "ქართული ოცნების" მაჟორიტარმა დეპუტატმა თაზო ფაცაციამ ანტი-ლგბტ კანონპროექტის განხილვაზე თქვა, რომ აუცილებელია "ოჯახურ ღირებულებათა და არასრულწლოვანთა დაცვის შესახებ" კანონის
ზუგდიდში "ქართული ოცნების" მიერ ლგბტ პროპაგანდის კანონპროექტის განხილვისას აქტივისტის ცაბუნია ვართაგავას მიერ დასმულმა შეკითხვამ და კომენტარმა იქ შეკრებილ საზოგადოებაში ხმაური გამოიწვია. მათ ვართაგავას მიმართა
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები