ბიბლიოთეკის ყოფილი თანამშრომელი ადგილობრივ ხელისუფლებას პოლიტიკურ ზეწოლაში ადანაშაულებს (ვიდეო)
12:34 / 07.03.2018
ზუგდიდის ცენტრალური ბიბლიოთეკის უკვე ყოფილი თანამშრომელი,
სამკითხველო დარბაზის მთავარი სპეციალისტი
ზეინაბ მორგოშია, რომელსაც ახლად შექმნილ აიპიში ხელშეკრულება არ
გაუგრძელდა, სამსახურიდან გათავისუფლებაში ადგილობრივ ხელისუფლებას და
პირადად მამუკა წოწერიას ადანაშაულებს. ამის შესახებ მან დემოკრატიული
ჩართულობის ცენტრში გამართულ ბრიფინგზე განაცხადა. ბრიფინგს
გამგეობიდან გათავისუფლებული თანამშრომლები და "ევროპული საქართველოს"
წევრი ბათლომე შელია ესწრებოდნენ.
მისი მტკიცებით, წოწერიამ ის პირადი მოტივით სამსახურიდან ბიბლიოთეკის
მართვის ცენტრის ამჟამინდელი ხელმძღვანელის მადონა მაქაცარიას
საშუალებით გაუშვა. ეს ფაქტი კი მის მეუღლეს, ალიოშა ალანიას
უკავშირდება, რომელიც სოფელ ოქტომბრის მაჟორიტარ დეპუტატად
„თავისუფალი საქართველოდან“ იყრიდა კენჭს, როცა სოფლის მაჟორიტარი
წოწერია იყო.
„20 წლის გამოცდილება მაქვს და მათ ჩემი გათავისუფლების საფუძველი არ
ჰქონდათ. თითქოს, შტატები უნდა შეემცირებინათ და იზრდება. მე
ერთადერთი ვარ, ვისაც ხელშეკრულება არ გაუგრძელდა“, - აღნიშნა
მორგოშიამ.
მისივე თქმით, მას შემდეგ, რაც ამის შესახებ საჯაროდ განაცხადა, მის
ოჯახს საფრთხე ემუქრება და ცენტრალურ ხელისუფლებას ოჯახის
უსაფრთხოების უზრუნველყოფას სთხოვს, ბრძოლას კი სამართლებრივი გზით
განაგრძობს.
რაც შეეხება საკრებულოს თავმჯდომარესა და ქალაქის მერს, ისინი
აღნიშნულთან დაკავშირებით კომენტარს არ აკეთებენ.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
ოკუპირებული აფხაზეთის ე.წ. პრეზიდენტმა განაცხადა, რომ ბიჭვინთის „სახელმწიფო აგარაკის“ რუსეთის ხელისუფლებისთვის გადაცემის საკითხს „წერტილი დაესვა“. ამის შესახებ ასლან ბჟანიამ აფხაზურ ტელევიზიას უთხრა.
ზუგდიდში ე.წ აგენტების კანონთან დაკავშირებით "ერთიანი ნაციონალური მოძრაობის" ლიდერი ლევან ხაბეიშვილი, ასევე "სტრატეგია აღმაშენებლის" თავმჯდომარე გიორგი ვაშაძე, საზოგადოების სხვადასხვა წარმომადგენელთან ერთად,
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები