რეგიონი
დაურ თარბა: ამ დროისთვის აფხაზეთის მოსახლეობამ 400 კგ ფაროსანა შეაგროვა
ამ დროისთვის, აზიური ფაროსანას წინააღმდეგ გატარებული ღონისძებების ფარგლებში, აფხაზეთის მოსახლეობამ 410 კგ მწერი შეაგროვა. ამის შესახებ აფხაზური მედია საშუალებებისთვის გამართულ პრესკონფერენციაზე დე ფაქტო რესპუბლიკის სოფლის მეურნეობის მინისტრმა დაურ თარბამ განაცხადა. მისი თქმით, რუს სპეციალისტებთან ერთობლივად ჩატარებული მონიტორინგის შედეგად გაირკვა, რომ ძირითადად, მავნებელი „აღმოსავლეთ აფხაზეთში გავრცელდა, ხოლო დასავლეთ აფხაზეთში უმნიშვნელო კერებია აღმოჩენილი“. თარბას მონაცემებით აზიურმა ფაროსანამ 200 ათას ჰექტარზე განთავსებული სასოფლო - სამეურნეო სავარგულები და კერძო მეურნეობები დააზიანა.

ამავე ცნობით, სოფლის მეურნეობის სამინისტრომ შეიმუშავა ფაროსანასთან ბრძოლის გეგმა, რომელიც მწერების მექანიკურ შეგროვებას, და შემდეგ სასოფლო- სამეურნეო ფართობების ქიმიურ დამუშავებას გულისხმობს. დაურ თარბამ აღნიშნა, რომ მოსახლეობა ფაროსანას სხვადასხვა გზით ებრძვის, ნაწილი მას ტომრებში აგროვებს და ანადგურებს, თუმცა ამისთვის არანაირ თანხას არ ითხოვს. მისივე ინფორმაციით, დიდი როლი შეასრულა მათ მიერ დარიგებულმა საინფორმაციო ბუკლეტებმა, რომლებშიც დეტალურად არის აღწერილის მავნებელთან ბრძოლის მეთოდები.

მისივე თქმით, „სახელმწიფომ პრობლემის გადასაჭრელად 10 მილიონი რუბლი გამოყო, თუმცა, ეს არ არის საკმარისი. ამავე დროს, რუსული მხარე მზადაა აფხაზეთს ჰუმანიტარული დახმარების სახით, 500 მილიონი რუბლის ოდენობის ქიმიური პრეპარატები და სპეციალური ტექნიკა გამოუყოს“.

მარტის ბოლოს რუსულმა მხარემ განაცხადა, რომ მზადაა აფხაზეთის მცხოვრებლებს 1 კგ ფაროსანაში 1000 რუბლი გადაუხადოს. ამის შესახებ რუსეთის ფედერაციის სოფლის მეურნეობის მინისტრის მოადგილემ ჯამბულათ ხატუოვმა სოხუმში აზიურ ფაროსანათან დაკავშირებით გამართულ თათბირზე განაცხადა. მისი თქმით, ეს მავნებელთან ბრძოლის ერთ-ერთი ყველაზე ეფექტური მეთოდია.

2 აპრილიდან, რუსეთმა დე ფაქტო აფხაზეთში შექმნილი „კრიტიკული ფიტოსანიტარული მდგომარეობის გამო“ მცენარეული წარმოშობის ყველა საქონლის შეტანა აკრძალა. განცხადებაში ნათქვამია, რომ შეზღუდვები აფხაზეთის ტერიტორიაზე აზიური ფაროსანას გავრცელებით არის გამოწვეული.


Print Email
FaceBook Twitter
დღის სიახლეები
21 / სექტემბერი 2019
უშგულში პირველი თოვლი მოვიდა. ამის შესახებ რადიო „ათინათს“ უშგულის რწმუნებულმა ბექა ღვაჩლიანმა უთხრა.
21 / სექტემბერი 2019
{{VIDEO}}ანაკლიაში კავკასიური პოეზიის რიგით მესამე ფესტივალი გაიხსნა. მას ჩერქეზული (ადიღური) კულტურის ცენტრი, ზუგდიდის მუნიციპალიტეტის მერიის მხარდაჭერით ატარებს.
21 / სექტემბერი 2019
ხობის მუნიციპალიტეტის სოფელ ახალ ხიბულაში ლოკოკინების ფერმა „ნადი გრუპი“ გაიხსნა. ის სახელმწიფოს დახმარებით, „ერთიანი აგროპროექტის“ ფარგლებში აშენდა.
საზოგადოება
{{ARTICLEIMAGE}}„ფიფლ ინ ნიდმა“ პროექტის “სამოქალაქო საზოგადოების ორგანიზაციები ევროპასთან თავისუფალი ვაჭრობის მხარდასაჭერად“ დახურვის ღონისძიება მოაწყო.
NDI-ის კვლევის თანახმად, გამოკითხულთა უმრავლესობა მთავრობის საქმიანობას უარყოფითად აფასებს. კერძოდ, რესპონდენტთა 60 %-ის აზრით, მთავრობა "ცუდად" მუშაობს,
NDI-ის მიერ 13-და 29 ივლისის ჩათვლით ჩატარებული კვლევის თანახმად, გამოკითხულთა 61% დაუსაქმებელია.
მთავარი საინფორმაციო გამოშვება
არქივი
ამინდი
ზუგდიდი 10 °C
img
სოხუმი 13 °C
img
ფოთი 14 °C
img
მესტია 1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.