კვლევა: გამოკითხულთა მესამედი ფიქრობს, რომ ადგილობრივი თვიმმართველობა მის ინტერესებს არ გამოხატავს
ყოველი მესამე მოქალაქე ფიქრობს, რომ ადგილობრივი თვიმმართველობის
ორგანოები მის ინტერესებს
არ გამოხატავენ. გამოკითხვა “საერთაშორისო გამჭვირვალობა -
საქართველოს” დაკვეთით “კავკასიის კვლევითი რესურსების ცენტრმა”, 2018
წლის მარტში განახორციელა.
კვლევის მიხედვით, გამოკითხულთა 32%-ის აზრით, ქალაქის მერი მათ
ინტერესებს არ გამოხატავს, საკრებულოს შემთხვევაში კი ეს მაჩვენებელი
უფრო მეტია - 34%. შესაბამისად, მერების შემთხვევაში, გამოკითხულთა
მხოლოდ 26% ეთანხმება მოსაზრებას, რომ მერი გამოხატავს მათ
ინტერესებს, საკრებულოს შესახებ იმავე აზრს კი 22% იზიარებს.
ორგანიზაციის ცნობით, 2015 წლის მონაცემებთან შედარებით, გაზრდილია იმ
მოქალაქეთა რაოდენობა, რომლებიც დადებითად აფასებენ ადგილობრივი
მუნიციპალიტეტების საქმიანობას - მაშინ მხოლოდ 11% ამბობდა, რომ
მერი/გამგებელი გამოხატავდა მის ინტერესებს, საკრებულოს შესახებ კი
ასე მხოლოდ 8% ფიქრობდა.
მასალის გამოყენების პირობები