რეგიონი
გალისა და ოჩამჩირის რაიონებში რეპატრიანტების ჩასახლება იგეგმება
ოჩამჩირეში რეპატრიანტების განთავსების შესაძლებლობაზე იმსჯელეს. დე ფაქტო აფხაზეთის რეპატრიაციის მინისტრმა ბესლან დბარმა და ოჩამჩირის რაიონის ადმინისტრაციის ხელმძღვანელმა ხრიპს ჯოპუამ აღნიშნეს, რომ ბოლო პერიოდში საკმაოდ გაიზარდა აფხაზეთში დაბრუნებისა და მუდმივად დასახლების მსურველების რაოდენობა. მათი თქმით, რეპატრიაცია ერთ- ერთი საუკეთესო გამოსავალია დემოგრაფიული პრობლემის გადასაჭრელად.

„ოჩამჩირის რაიონში 14 დაცარიელებული სოფელია, სადაც ადრე ქართველები ცხოვრობდნენ. ქალაქ ოჩამჩირეში, მე- 6 რაიონში, 2 კორპუსია, ერთ-ერთ მათგანში 20-მდე ოჯახის, ხოლო მეორეში - 78 - ის ჩასახლებაა შესაძლებელი. ჩვენ მზად ვართ ისინი რეპატრიაციის სამინისტროს ბალანსზე გადავიყვანოთ. სოფელ აჩიგვარაში არის 5 ათასამდე ადამიანის განსახლების საშუალება. საერთაშორისო ორგანიზაციების დახმარებით მიმდინარეობს სკოლის მშენებლობა, რომელიც 170 ბავშვზეა გათვლილი. რაც შეეხება სამუშაო ადგილებს, რაიონში ორი სათბურია, სადაც ბოსტნეულია მოშენებული. იქ თურქეთიდან ჩამოსული რეპატრიანტები მუშაობენ. შესაძლოა კიდევ 10 ოჯახის დასაქმება. ქალქში არის სკოლა - ინტერნატი, სადაც ასევე შეიძლება ბავშვების განთავსება“, - განაცხადა ხრიპს ჯოპუამ.

ბესლნა დბარის ინფორმაციით, დღესდღეობით, აფხაზეთში 5 ათასამდე რეპატრიანტი ცხოვრობს. 200 - ზე მეტი ბავშვი ამ ოჯახებიდან აფხაზურ სკოლებში სწავლობს. მისივე ცნობით, „აფხაზეთის მიერ სირიის აღიარების შემდეგ, რესპუბლიკაში სირიიდან კიდევ ორი ოჯახი ჩამოვიდა საცხოვრებლად“.

მანამდე მსგავსი შეხვედრები გალის რაიონშიც გაიმართა, სადაც გალის რაიონში სირიის რეპატრიანტების განსახლების შესაძლებლობები განიხილეს.

“გალი აფხაზეთის ნაწილია და მისი უყურადღებოდ დატოვება არ შეიძლება. ეს კი იმას ნიშნავს, რომ საჭიროა ადამიანური რესურები“, - თქვა მაშინ დე ფაქტო რასპუბლიკის რეპატრიაციის მინისტრმა.

თურქეთსა და სირიაში მცხოვრები რაპტრიანტების გალისა და ოჩამჩირის რაიონში ჩასახლების კონკრეტული თარიღები ჯერჯერობით არ დასახელებულა.


Print Email
FaceBook Twitter

კლინიკა მედის წელს 20 წელი შეუსრულდა და ამ თარიღთან დაკავშირებით, მთელი წლის განმავლობაში, უამრავ საჩუქარს და ფასდაკლებას უკეთებდა ერთგულ პაციენტებს. საიუბილეო წლის ბოლო თვეს კი კლინიკა უპრეცედენტო შეთავაზებებს გვპირდება.

წალენჯიხაში „ლაზიკა კაპიტალის“ თანამშრომლებმა მიუსაფარ ძაღლს, რომელიც მათი ოფისის მიმდებარედ ერთი წელია ცხოვრობს,  ხის სახლი დაუდგეს.
იპოთეკური სესხი განსაკუთრებული პირობებით — ტერაბანკი მომხმარებლებს ახალ აქციას სთავაზობს. აქციის ფარგლებში, ნებისმიერი მსურველი,
საზოგადოება
საქართველოს მოსახლეობის 78%, რომელსაც სმენია სრულად პროპორციულ სისტემაზე გადასვლის შესახებ საპარლამენტო არჩევნებისთვის, ემხრობა აღნიშნულ ცვლილებას. ამის შესახებ საერთაშორისო
რიკოთის საავტომობილო გვირაბში პროფილაქტიკური სამუშაოების გამო 14 ნოემბერს, 08:00-დან 18:00 საათამდე, ყველა სახის ავტოტრანსპორტის მოძრაობა აიკრძალება.
27 ნოემბრიდან საქართველო 6 თვით ევროპის საბჭოს თავმჯდომარე ქვეყანა გახდება.
დღის სიახლეები
12 / დეკემბერი 2019
ზუგდიდის განახლებულ ბოტანიკურ ბაღში შესვლა მოქალაქეთა გარკვეული ნაწილისთვის უფასო იქნება. შესაბამისი პროექტი, რომელშიც გაწერელია ფასები, საკრებულოს უკვე გადაეგზავნა.
12 / დეკემბერი 2019
გაგრაში ძმებს შორის შელაპარაკება და ფიზიკურ დაპირისპირება მკვლელობით დასრულდა. ერთი მათგანი ცეცხლსასროლი იარაღით მიყენებული ჭრილობისგან დაიღუპა, მეორე რეანიმაციულ განყოფილებაში იმყოფება.
11 / დეკემბერი 2019
{{ARTICLEIMAGE}}ცენტრალურ ბიბლიოთეკაში გურამ ოდიშარიას რიგით მეხუთე რომანის „უშენოდ შენთან“ პრეზენტაცია გაიმართა.
მთავარი საინფორმაციო გამოშვება
არქივი
«« დეკემბერი 2019 »»
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 12345
ამინდი
ზუგდიდი 9 °C
img
სოხუმი 9 °C
img
ფოთი 9 °C
img
მესტია -4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.