ახალი ამბები
სად აიკრძალება გარევაჭრობა მარტიდან ზუგდიდში
ზუგდიდის მუნიციპალიტეტის საკრებულომ სამუშაო ჯგუფის მიერ შემუშავებული გარევაჭრობის რეგულირების წესი პირველ თებერვალს მიიღო. დადგენილების თანახმად, გარე ვაჭრობა (გარდა პრესის, ლოტოს ჯიხურებისა და სერვისის ავტომატური მომსახურების აპარატებისა) 2019 წლის პირველი მარტიდან იკრძალება ქალაქ ზუგდიდის შემდეგ ქუჩებზე:

ზვიად გამსახურდიას გამზირი სრულად;
ცენტრალური ბულვარის ტერიტორია;
მუზეუმის ცენტრალური შესასვლელი;
ნარმანიას ქუჩა;
შოთა რუსთაველის ქუჩა;
კედიას ქუჩის დასაწყისიდან ბოლომდე, ყველა ჩიხის ჩათვლით;
თეატრის ქუჩა;
მეუნარგიას ქუჩა;
ცოტნე დადიანის ქუჩა;
სოხუმის ქუჩა მდინარე „ჩხოუშის“ ხიდამდე;
ლაღიძის ქუჩა;
მმერაბ კოსტავას ქუჩა ნიკოლაძის ქუჩის კვეთამდე;
გამარჯვების ქუჩა;
მარცხენა სანაპიროს ქუჩა;
ვახტანგ VI -ს ქუჩა;
ნ.ნიკოლაძის ქუჩა კოსტავას ქუჩის კვეთამდე;
შ. კიტიას ქუჩა;
აღმაშენებლის ქუჩა;
თაბუკაშვილის ქუჩა თავისუფლების ქუჩის კვეთამდე;

რაც შეეხება პროდუქტებს, დადგენილებით განსაზღვრულია საქონელი, რითად აკრძალული ან პირიქით, ნებადართულია გარევაჭრობა.

დოკუმენტის თანახმად, გარევაჭრობა ნებადართულია შემდეგი საქონლით:
ჟურნალ-გაზეთები, წიგნები;
ნახატები, სუვენირები და სხვა ხელნაკეთი ნივთები;
ყვავილები;
ხილ-ბოსტნეული მხოლოდ მაღაზიის წინ, ვერტიკალურ სტელაჟზე,
სპეცდანიშნულების საფირმო მანქანებიდან კვების პროდუქტები (სანიტარიული პირობებით და რეალიზაციის პროცესში);
გაზიანი გამაგრილებელი სასმელები და წყლები;
ნაყინი (სპეციალური მაცივრის მეშვეობით).

საოჯახო მეურნეობაში ნაწარმოები საკვები პროდუქტებით (ხორცი; ხორც-პროდუქტები; რძე; რძის პროდუქტები და თევზეული მხოლოდ მაცივრებში); საკონდიტრო ნაწარმი და პურ-ფუნთუშეული (შეფუთული სახით); მარცვლეულით და ხილ-ბოსტნეულით გარე ვაჭრობა დასაშვებია მცირე ბაზრობების (სავაჭრო რიგები) გამოყოფილ ტერიტორიაზე.

სუნელებითა და სანელებლებით გარევაჭრობა კი აკრძლულია.

დადგენილების შესრულებაზე კონტროლს განახორციელებს ზუგდიდის მუნიციპალიტეტის მერიის ზედამხედველობისა და არქიტექტურის სამსახური.
დადგენილებაში ასევე წერია, რომ გარევაჭრობისათვის განკუთვნილი ადგილების განსაზღვრა შეიძლება მოხდეს განსაზღვრული ვადით ან სეზონურად, მათ შორის კვირის კონკრეტული დღეებისათვის, სადღესასწაულო და წინასადღესასწაულო დღეებში, ასევე სხვა ფართომასშტაბიანი ღონისძიებებისა და აქციების მოწყობისას.

„გარე ვაჭრობისათვის ადგილებს, საკრებულოს მიერ დამტკიცებული წინამდებარე წესის შესაბამისად, გამოყოფს ზუგდიდის მუნიციპალიტეტის მერი შემდეგი პირობებით: განმცხადებლის მიერ გარე ვაჭრობისათვის მოთხოვნილი შესაბამისი ფართის სასყიდლიანი სარგებლობის უფლებით, აღნაგობის ფორმით გადაცემა ხორციელდება ზუგდიდის მუნიციპალიტეტის მერიის ზედამხედველობისა და არქიტექტურის სამსახურის მიერ სავაჭრო ობიექტის პროექტის შეთანხმების შემდგომ, პირდაპირი განკარგვის წესით, საკრებულოსთან შეთანხმებით იმ შემთხვევაში, თუ განმცხადებელი იმ ფართის ან/და ობიექტის მესაკუთრეა, რომლის წინაც ითხოვს გარე ვაჭრობას; სხვა შემთხვევებში ადგილების განკარგვა მოხდეს პირდაპირი განკარგვის ან აუქციონის წესით“, - აღნიშნულია დადგენილებაში.

ამავე თემაზე:

ზუგდიდის საკრებულომ გარევაჭრობის რეგულირების წესი ოპოზიციის მხარდაჭერის გარეშე მიიღო



Print Email
FaceBook Twitter
დღის სიახლეები
19 / სექტემბერი 2019
19 წლის გოგონა, რომელიც რუსთავში ცენტრალურ საავადმყოფოში ოპერაციის გაკეთებამდე გარდაიცვალა, სენაკში საკუთარ სახლში ჩამოასვენეს.
18 / სექტემბერი 2019
პრეზიდენტ სალომე ზურაბიშვილის გადაწყვეტილება, რომლის თანახმადაც მან მკვლელობისთვის მსჯავრდებული სამი პირი და ძებნილი შეიწყალა, საზოგადოების უმეტესი ნაწილის კრიტიკის საფუძველი გახდა.
18 / სექტემბერი 2019
{{ARTICLEIMAGE}}გადაცემის თემა - ზუგდიდის მუნიციპალიტეტის მერი ინფრასტრუქტურაზე, განათლებაზე და სოციალურ პროგრამებზე.
საზოგადოება
NDI-ის მიერ 13-და 29 ივლისის ჩათვლით ჩატარებული კვლევის თანახმად, გამოკითხულთა 61% დაუსაქმებელია.
ეროვნულ-დემოკრატიული ინსტიტუტი (NDI) და CRRC–საქართველო 2019 წლის საზოგადოებრივი აზრის კვლევის პირველ შედეგებს მედიას 17 სექტემბერს წარუდგენს.
2019 წლის ოქტომბრის დასაწყისში ყველა პედაგოგს, რომელსაც აქვს სტატუსი და მინიმუმ 15 საგაკვეთილო საათი, ანაზღაურება 150 ლარით გაეზრდება.
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 20 °C
img
ფოთი 19 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.