რეგიონი
ოპოზიციამ გია დანელიას მიმართ საგამოძიებო მოქმედებების დაწყების მოთხოვნით პროკურატურაში განცხადება შეიტანა
გაერთიანებული ოპოზიციის ლიდერებმა თინათინ ბოკუჩავამ და ლევან ბეჟაშვილმა ზუგდიდის რაიონულ პროკურატურაში საკრებულოს წევრის გია დანელიას მიმართ საგამოძიებო მოქმედებების დაწყების მოთხოვნით განცხადება შეიტანეს. ისინი მოითხოვენ პროკურატურამ დაუყოვნებლივ გამოიძახოს დაკითხვაზე საკრებულოს წევრი გია დანელია. ოპოზიციონერები ასევე მოითხოვენ, რომ პროკურატურამ მიმართოს საკრებულოს დანელიასთვის უფლებამოსილების შეწყვეტის შესახებ.


“ეს თემა არის ერთ-ერთი მნიშვნელოვანი, სადაც, პრაქტიკულად, არსებობს ღია მტკიცებულებებები, რომელშიც საკრებულოს წევრი პირდაპირ ამბობს, რომ იგეგემება ყველანაირი მეთოდის გამოყენება იმისათვის, რომ სასურველი შედეგი მიიღოს „ქართულმა ოცნებამ“ ზუგდიდში. მათ შორის, დაგეგმილია ადამიანების გატაცება, მოსყიდვა, ძალადობრივი აქტები, ამიტომ, ბუნებრივია, ამას სჭირდება სათანადო რეაგირება იმთავითვე, რათა პრევენცია მოვახდინოთ და არ დავუშვათ კვირას რაიმე სახის ესკალაცია. პროკურატურა დღეს ვალდებულიც იყო თავად გამოეძახა გია დანელია და ეწარმოებინა მისი გამოკითხვა, თუმცა ჩვენ არ გვაქვს ამის იმედი, რომ პროკურატურამ ეს უკვე დაიწყო, ამიტომ შეგვაქვს დამატებით წერილობითი განცხადება, სათანადო მტკიცებულებებით, სადაც პროკურატურას უკვე დაუყოვნებლივ ვთხოვთ შესაბამის რეაგირებას. რაც მთავარია, პროკურატურამ უნდა შეიტანოს ზუგდიდის საკრებულოში განცხადება და შეუჩეროს უფლებამოსილება გია დანელიას, რათა მან ვერ შეძლოს გამოძიებაზე ზემოქმედება და მტკიცებულებების დამალვა და ა.შ. მთავარი ის არის, რომ მას აქვს კონკრეტული,  ცენტრალური შტაბიდან თათბირის დავალებები და მან უნდა დაასახელოს, ვისგან აქვს ეს დავალებები, წინააღმდეგ შემთხვევაში, დანაშაულის დაფარვასთან გვექნება საქმე და ბუნებრივია, ეს ცალკე შემადგენლობაა სისხლის სამართლის კოდექსით გათვალისწინებული", - აღნიშნა ბეჟაშვილმა.




მათ პროკურატურაში განცხადების გარდა ვიდეო მასალაც შეიტანეს.

ტელეკომპანია „რუსთავი 2“-მა გაავრცელა ფარული ჩანაწერი, რომელშიც, ტელეკომპანიის მტკიცებით, გია დანელია საუბრობს, რომ ის ესწრებოდა თათბირს, სადაც გაიცა ბრძანება, რომ არჩევნების მოსაგებად ყველაფერზე, მათ შორის, მოსყიდვაზე, ტერორსა და გატაცებაზეც უნდა წავიდნენ. ამის საპასუხოდ გია დანელიამ თქვა, რომ არ იცის, რაზეა საუბარი და გავრცელებული ჩანაწერი ფაბრიკაციაა.

„ასეთი ჩანაწერების მონტაჟის პროფესიონალები არიან და არ დავიჯერე. 9 წლის განმავლობაში უამრავი რამ გაუკეთებიათ მსგავსი“, - აღნიშნა დანელიამ.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 19 °C
img
ფოთი 17 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.