ახალი ამბები
დეპუტატები უარყოფენ, რომ საკრებულოს სხდომაზე სექსისტური პოსტის გამო იცინეს
ზუგდიდის მუნიციპალიტეტის დეპუტატები კატეგორიულად უარყოფენ, რომ სხდომაზე თინა ბოკუჩავას მიმართ შეურაცხმყოფელი და სექსისტური პოსტის ხსენებისას გაიცინეს. რადიო „ათინათი“ საკრებულოს რამდენიმე წევრს დაუკავშირდა და ჰკითხა, რამ გამოიწვია მათი სიცილი იმ რებლიკის შემდეგ, რომელიც ანა წითლიძემ პოსტის ავტორის თაზო ფაცაციას მიმართ გააკეთა.

სწორედ თაზო ფაცაცია იყო ერთ-ერთი მათგანი, რომელმაც, როგორც კადრებში ჩანს, წითლიძის სიტყვების შემდეგ გაიღიმა. მან გვითხრა, რომ პოსტის გამო არ გაუცინია და დარწმუნებულია, რომ არც მის კოლეგებში გამოუწვევია პოსტს სიცილი.

„მაგ თემასთან დაკავშირებით არ გამიღიმია. ეს თემა მანდ დაიხურა, როცა ბოდიში მოვიხადე. ჩემთვის პოლიტიკური ოპონენირების კუთხით ეს ყოველთვის იქნება გასათვალისწინებული, მაშინაც არ მინდოდა ნამდვილად, თუმცა, ემოციურ ფონზე გამოვიდა ასე. შეიძლება სხვა რაღაცაზე გაეღიმათ, ისე არასერიოზულად იქცევა წითლიძე. იმის ნაცვლად, რომ მიელოცა გეგა შენგელიიასთვის, სხვადასხვა რამეზე გადაიტანა აქცენტი“, - გვითხრა ფაცაციამ.

რეპლიკას, როგორც რადიო „ათინათის“ კადრებში ჩანს, მოჰყვა ფრაქცია „ქართული ოცნების“ თავმჯდომარის თამუნა ჯიქიას სიცილი, თუმცა ჩვენთან მან თქვა, რომ არა პოსტის შინაარსზე, არამედ წითლიძის ნათქვამზე გაეცინა.

„თინა ბოკუჩავა პარლამენტის წევრია, მაგრამ ჩემთვის არაფერს წარმოადგენს, თუმცა, ეს პოსტი იყო შეცდომა, არ უნდა დაეწერა თაზოს, თუმცა ბოდიში მოიხადა. რაც შეეხება სიცილს, მე იმაზე გამეცინა, რომ წითლიძე იმაზე აძლევს შენიშვნას ადამიანს,რასაც თვითონ აკეთებს ხოლმე. ხშირად ირონიული სიცილი დამკრავს მის ნათქვამზე“, - თქვა ჯიქიამ.

საკრებულოს კიდევ ერთი წევრი გია დანელია ამბობს, რომ არ ახსოვს, რატომ იცინოდა, თუმცა ვარაუდობს, რომ ეს სიმწრის სიცილი იყო.

„საერთოდ არ ვიცნობ ბოკუჩავას და შეხება არ მქონია მასთან. თუ გამეცინა, მხოლოდ სიმწრით, რადგან ჩემ უკან შვილისტოლა ბავშვი იდგა პლაკატით და მაბრალებდა სისულელეს, რაც დადგენილიც არაა. შეიძლება ამაზე გამეცინა, თორემ მე თინა ბოკუჩავას მიმართ რამე ნეგატიური გამოვხატე? საკრებულოზე ათასჯერ გავიცინებთ...შეგეშალათ, შეიძლება, საერთოდ არ მომისმენია ეს რეპლიკა“, - გვითხრა დანელიამ.

სექსისტურ და შეურაცხმყოფელ პოსტს ემიჯნება უმრავლესობის კიდევ ერთი დეპუტატი ოთო ქადარია, რომელმაც თქვა, რომ არც მას გაუციანია პოსტის შინაარსზე. ქადარიას თქმით, სასაცილო ის „უადგილო“ განცხადება იყო, რომელიც წითლიძემ გააკეთა.

„არ ვამართლებ იმ განცხადებებს, თუნდაც ბოკუჩავას მიმართ, რომელსაც მოჰყვა თავის დროზე შესაბამისი განცხადებები, მაგრამ დღევანდელი განცხადება სასაცილო იყო, თვითონ იმყოფებოდა ისეთ უსუსრ მდგომარეობაში, როდესაც არ ადეკვატური შეფარსბები, რაც საჭირო იყო, თემა რა ჰქონდა და მიედ-მოედებოდა. უადგილო იყო ამ პოსტის გაჟღერება. ეს იყო არაადეკვატური და ამ განცხადებაზე გამეცინა“, - აღნიშნა დეპუტატმა.

საკრებულოს სხდომაზე კამათის დროს ფრაქცია "ენმ"-ის თავმჯდომარემ ანა წითლიძემ თაზო ფაცაციას უთხრა, რომ მას პასუხს არ გასცემს, რადგან მისი შეგნება იმ პოსტში ჩანს, რომელიც მან თინა ბოკუჩავაზე დაწერა.










Print Email
FaceBook Twitter
რ ე კ ლ ა მ ა
"ქართული ოცნება-დემოკრატიული საქართველოს" ზუგდიდის მაჟორიტარი დეპუტატობის კანდიდატი ირაკლი ჩიქოვანი, ქართული ავიაციის 28-ე წლისთავს ეხმიანება
"ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატი ალექსანდრე მოწერელია წალენჯიხაში საბავშვო ბაღის პედაგოგებს შეხვდა.
"ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატმა ალექსანდრე მოწერელიამ შეხვედრები გამართა
კორონავირუსი
ბოლო 24 საათის განმავლობაში აფხაზეთში კორონავირუსზე ტესტირება 195 პირს ჩაუტარდა. კვლევის შედეგად ინფიცირების 53 ახალი შემთხვევა გამოვლინდა.
ზუგდიდის ინფექციური საავადმყოფოს ლაბორატორიაში ბოლო 24 საათის განმავლობაში კორონავირუსზე 649 პირის ბიოლოგიური ნიმუში გაიტესტა. გამოკვლეულთა შორის 6-ს Covid-19 დაუდგინდა.
დღევანდელი მონაცემებით აფხაზეთში კორონავირუსზე ტესტირება 187 პირს ჩაუტარდა. კვლევის შედეგად ინფიცირების 43 ახალი შემთხვევა გამოვლინდა. ინფორმაციას დე ფაქტო რესპუბლიკის ოპერატიული შტაბი ავრცელებს.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
დღის სიახლეები
19 / სექტემბერი 2020
"ქართული ოცნება-დემოკრატიული საქართველოს" ზუგდიდის მაჟორიტარი დეპუტატობის კანდიდატი ირაკლი ჩიქოვანი, ქართული ავიაციის 28-ე წლისთავს ეხმიანება
19 / სექტემბერი 2020
ბოლო 24 საათის განმავლობაში აფხაზეთში კორონავირუსზე ტესტირება 195 პირს ჩაუტარდა. კვლევის შედეგად ინფიცირების 53 ახალი შემთხვევა გამოვლინდა.
19 / სექტემბერი 2020
ცაიშის მოსახლეობამ საპროტესტო აქცია გამართა და გზა დროებით გადაკეტა. ადგილობრივები სოფლის ტერიტორიაზე არსებული ნაგავსაყრელის გამო მომრავლებულ
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 17 °C
img
ფოთი 18 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.