რეგიონი
აგვისტოს ომის გმირის დედა მერიას:თუ მემორიალში კორექტივებს არ შეიტანთ, ჩემი შვილის სახელს წავშლი (ვიდეო)
2008 წლის აგვისტოს ომის გმირის სერგეი გოროზიას დედამ მზია გოროზიამ ადგილობრივი ხელისუფლების წარმომადგენლებს მიმართა და კიდევ ერთხელ განმარტა, რატომ არ მოსწონს მემორიალი. ამის შესახებ გოროზია რადიო "ათინათს" რამდენიმე დღის წინ დეტალურად ესაუბრა. მისი თქმით, თუკი მერია კორექტივებს არ შეიტანს, ის მემორიალიდან მისი შვილის სახელის წაშლას მოითხოვს.

„ეს არის წუხილის და სიამაყის დღე. მათ მართლა თავი დადეს სამშობლოსთვის. მე საყვედურს ვუცხადებ ზუგდიდის მერიას. ბეტონის ძეგლი ჩვენი გმირი ბიჭებისთვის ყოვლად მიუღებელია. თუ ეს ასე დარჩება, ჩემი შვილის სახელი და გვარი იქ არ იქნება, თქვენ ვერ შეიფერეთ ჩვენი ბიჭები“, - განაცხადა გოროზიამ.

მის საპასუხოდ მერიის ძეგლთა დაცვის განყოფილების უფროსმა ლაშა ჯიქიამ აღნიშნა, რომ მზია გოროზია ჩართული იყო ამ პროცესში. ის კატეგორიულად არ ეთანხმება გოროზიას პრეტენზიებს.


„ეს არ არის საბჭოთა მემორიალი, აქ არის ჯვრიანი დროშა, არის სამხედრო ფეხსაცმელი, სამხრეს რაც შეეხება, დეკორია. მას სურდა უფრო დიდი კომპოზიციის დადგმა, მაგრამ არქტირექტურული სივრცე არ გვაძლევდა ამის საშუალებას და როგორც ბიჭებმა იცხოვრეს მოკრძალებით, ასევე, მოკრძალებული მემორიალი დაიდგა. ეს არის აბსტრაქცია, სამგანზომილებიანი მხატვრული კომპოზიცია, სადაც ასახული მარადიული ბრძოლა მტრის წინააღმდეგ“, - აღნიშნა ჯიქიამ.

მისივე თქმით, გოროზიას შენიშვნებს გაითვალისწინებენ და დეკორში ცვლილებებს შეიტანენ. რაც შეეხება მასალას, ჯიქია ამბობს, რომ ეს არ არის ჩვეულებრივი რკინა-ბეტონი, არამედ სპეციალური კონგლომერატი.

ზუგდიდის მერი გიორგი შენგელია ამბობს, რომ თუკი შენიშვნებს საზოგადოება დაუჭერს მხარს, კორექტივებს შეიტანენ.

„შევეცდებით ეს შენიშვნები გავითვალისწინოთ, საზოგადოების საკუთრებაა ეს მემორიალი და მათი ჩართულობა აუცილებლია, რათა სრულვყოთ. შესაძლებელია მცირეოდენი კორექტივები, თუ საზოგადოებაც დაუჭერს მხარს ამ ცვლილებებს ოჯახის წევრებთან ერთად“, - განაცხადა შენგელია.

ზუგდიდის მერიამ მემორიალისთვის, რომელიც დღეს, 8 აგვისტოს გაიხსნა, ადგილობრივი ბიუჯეტიდან 15 ათასამდე ლარი გამოყო.


Print Email
FaceBook Twitter
გადაცემის თემა: სსიპ დევნილთა, ეკომიგრანტთა და საარსებო წყაროებით უზრუნველყოფის სააგენტოს სამომავლო გეგმები.
ტერაბანკი კონკრეტულ სეგმენტებზე მორგებული პროდუქტების შეთავაზებას აგრძელებს. ამიერიდან ბანკის ახალი სესხით 5 სხვადასხვა სფეროში დასაქმებული მომხმარებლები ისარგებლებენ.
გადაცემა მომზადებულია ასოციაცია "დეას" პროექტის "ადვოკატირება ზრდასრულ შეზღუდული შესაძლებლობის მქონე პირთა საჭიროებებზე მორგებული სერვისების ამოქმედების მხარდასაჭერად" ფარგლებში. პროექტი ხორციელდება ეროვნულ–დემოკრატიული ინსტიტუტის (NDI) მხარდაჭერით
საზოგადოება
მართლმადიდებელი ეკლესია დღეს, ნათლისღების დღესასწაულს აღნიშნავს. ამასთან დაკავშირებით, ტაძრებში წირვა - ლოცვა ტარდება. ასევე, შესრულდება წყლის კურთხევის რიტუალი. მსახურების ბოლოს
ndi-ის კითხვაზე, როგორი დამოკიდებულება გაქვთ პოლიტიკოსების მიმართ, ყველაზე უარყოფითი შეფასება ბიძინა ივანიშვილს და სალომე ზურაბისშვილს აქვს, შემდეგ კი მიხეილ სააკაშვილს. გამოკითხულთა უმრავლესობამ მიხეილ
ეროვნულ-დემოკრატიული ინსტიტუტის (NDI)  კვლევის მიხედვით, საქართველოს მართლმადიდებელ ეკლესიის საქმიანობას გამოკითხული მოსახლეობის ნახევარი დადებითად აფასებს.
დღის სიახლეები
22 / იანვარი 2020
მღვდელმონაზონ ანდრია სარიას მღვდელმსახურების აკრძალვის შესახებ საქართველოს კათოლიკოს-პატრიარქის ბრძანებაშია აღნიშნული, რომელიც 20 იანვრით თარიღდება.
22 / იანვარი 2020
ფოთის თავისუფალი ინდუსტრიული ზონის ტერიტორიაზე ავტომანქანების კომპონენტების მწარმოებელი ქარხნის მშენებლობის დაწყებისა და საძირკველის ჩაყრის ღონისძიება გაიმართა.
22 / იანვარი 2020
სინოპტიკოსების ცნობით, ზუგდიდის მუნიციპალიტეტში მომდევნო დღეებში თოვლჭყაპი და ყინვაა მოსალოდნელი. გარემოს ეროვნულ სააგენტოში ამბობენ, რომ 23-24 იანვარს შესაძლებელია დაფიქსირდეს მცირე ნალექი
მთავარი საინფორმაციო გამოშვება
არქივი
ამინდი
ზუგდიდი 3 °C
img
სოხუმი 5 °C
img
ფოთი 6 °C
img
მესტია -9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.