თითქმის 20 წლიანი მოღვაწეობის შემდეგ, ზუგდიდის სახანძრო-სამაშველო განყოფილების მეხანძრე-მაშველი 55 წლის თემურ ჯიქია თანამშრომლებმა სამსახურიდან განსაკუთრებულად გააცილეს.
ინფორმაციას საგანგებო სიტუაციების მართვის სამსახურის ავრცელებს. ამავე ინფორმაციით, მაშველი სამსახურიდან მეხანძრე-მაშველებისთვის დაწესებული ასაკობრივი ზღვარის მიღწევის გამო წავიდა.
„ის ზუგდიდის სახანძრო-სამაშველო განყოფილების პირადი შემადგენლობის გამორჩეული წევრი იყო და თითოეული თანამშრომლისთვის მუდამ დადებით პიროვნებად და სამაგალითო პროფესიონალად ხასიათდებოდა“, - აღნიშნავენ უწყებაში.
ჯიქიას საგანგებო სიტუაციების მართვის სამსახურის უფროსმა თემურ მღებრიშვილმა წლების განმავლობაში გამოჩენილი პროფესიონალიზმისთვის მადლობა გადაუხადა და სამახსოვრო საჩუქრები, მათ შორის, სიმბოლური სამკერდე ნიშანი გადასცა.
ღონისძიებას ზუგდიდელ მეხანძრე-მაშველებთან ერთად სახანძრო-სამაშველო ძალების სამმართველოს უფროსის მოადგილე ლაშა თვაური და სამეგრელოს მთავარი სამმართველოს უფროსი გოჩა მურღულია დაესწრნენ.
მასალის გამოყენების პირობები