ახალი ამბები
ჩხოროწყუს მერი: ააიპ-იმ საწვავი ჯუმბერ იზორიას ძმისგან დაბალი ფასის და კარგი ხარისხის გამო შეისყიდა
ჩხოროწყუს მერიაში მუნიციპალიტეტის ააიპ-ის მიერ საქართველოს პარლამენტის წევრის, ჯუმბერ იზორიას ძმისგან - ბადრი იზორიასგან გამარტივებული წესით საწვავის შესყიდვების დარღვევას ვერ ხედავენ. მერის დავით გოგუას განმარტებით, ააიპ „მექანიზაციის, დასუფთავების, კეთილმოწყობის და სასაფლაოების მოვლა პატრონობის ცენტრმა“ საწვავის შესყიდვაზე ბადრი იზორიასთან ხელშეკრულება კანონის ფარგლებში გააფორმა. ის აღნიშნული ააიპ-ის საქმიანობაში კორუფციის ნიშნებს ვერ ხედავს და ამბობს, რომ შესყიდვა საწვავის ნაკლები ფასისა და კარგი ხარისხის გამო განახორციელა.

„მერია სხვა მიმწოდებელთან დებს ხელშეკრულებას, რადგან ჩვენ მომსახურება ჩვენი მუნიციპალიტეტეტის გარეთაც გვჭირდება. რაც შეეხება ამ ააიპ-ის, ისინი ყიდულობენ საწვავს, რომელიც სხვა შემოთავაზებულიდან შედარებით იაფია და ხარისხიანი, ეს არის კონკურენცია. აქ არაფერს შუაში არ არის არც ჯუმბერ იზორია და არც პირადი ინტერესები, უბრალოდ კეთდება ეკონომია“, - ამბობს გოგუა.

„საერთაშორისო გამჭვირვალობა-საქართველოს“ ცნობით, ჩხოროწყუს მერიის ა(ა)იპ-მა საქართველოს პარლამენტის წევრის, ჩხოროწყუს პოლიციის ყოფილი უფროსის ჯუმბერ იზორიას ძმისგან - ბადრი იზორიასგან გამარტივებული წესით ჯამურად 145 966 ლარის ღირებულების საწვავი 16-ჯერ შეისყიდა. ორგანიზაცია “სახელმწიფო შესყიდვების სააგენტოს” და სახელმწიფო უსაფრთხოების სამსახურის ანტიკორუფციულ სააგენტოს მოუწოდებს შეისწავლონ აღნიშნული ა(ა)იპ-ის მიერ საწვავის შესყიდვის პროცესის კანონიერების საკითხი.

Print Email
FaceBook Twitter
რ ე კ ლ ა მ ა
ზუგდიდის სოფელ კახათის #1 საჯარო სკოლის მოსწავლეები მიმდინარე წლის ზაფხულში გერმანიის, ავსტრიის, თურქეთის, აზერბაიჯანის, სომხეთის და საქართველოს საერთაშორისო ბანაკებში გაემგზავრებიან.
ევროპის ფონდი სამეგრელო-ზემო სვანეთის რეგიონში მოქმედი სამოქალაქო საზოგადოების ორგანიზაციებისა და ადგილობრივი მედიის წარმომადგენლებისთვის
საზოგადოება
პირველკლასელთა რეგისტრაციის ვადები ორ ეტაპად განისაზღვრა.
„ანაკლიის განვითარების კონსორციუმი“ საქართველოს მთავრობის წინააღმდეგ ჟენევაში საარბიტრაჟო დავის დაწყებას აპირებს.
ზუგდიდის ბაღის ლოგოს კონკურში მონაწილეობის მიღება მსურველებს 10 თებერვლიდან შეეძლებათ. საკონკურსო პირობებზე ლოგოს შესარჩევად დაკომპლექტებულმა  სპეციალურმა კომისიამ დღეს იმსჯელა.
დღის სიახლეები
25 / თებერვალი 2020
ფინანსთა სამინისტროს შემოსავლების სამსახურმა ზუგდიდში, რუხში, ურთაში, ორსანტიაში, ანაკლიაში, ფოთში და წალენჯიხაში უაქციზო სიგარეტის შენახვა - გადაზიდვის ფაქტები გამოავლინეს.
25 / თებერვალი 2020
საბჭოთა ოკუპაციის დღესთან დაკავშირებით ადგილობრივი ხელისუფლების წარმომადგენლებმა  ზუგდიდში 1924 წლის აჯანყების დროს რეპრესირებულთა მემორიალი გვირგვინით შეამკეს.
25 / თებერვალი 2020
ოკუპაციის დღესთან დაკავშირებით, სამეგრელო-ზემო სვანეთში ყველა ადმინისტრაციულ შენობაზე საქართველოს დროშა დაშვებულია.
მთავარი საინფორმაციო გამოშვება
არქივი
ამინდი
ზუგდიდი 8 °C
img
სოხუმი 9 °C
img
ფოთი 8 °C
img
მესტია -3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.