ახალი ამბები
ზუგდიდელი ქალის მკვლელობა მდუმარე აქციით გააპროტესტეს (ფოტო)
ზუგდიდში სამოქალაქო აქტივისტებმა, საზოგადოებრივი ორგანიზაციებისა და პოლიტიკური პარტიების წარმომადგენელმა ქალებმა და რიგითმა მოქალაქეებმა მდუმარე აქცია-პერფორმანსი გამართეს.
შეკრებილების თქმით, დღეს ისინი ქალთა სიცოცხლის ფუნდამენტური და ხელშეუვალი უფლების დასაცავად გამოვიდნენ და გმობენ ფემიციდის ხშირ შემთხვევებს, მათ შორის კი გუშინ მომხდარ ფაქტს, რა დროსაც ზუგდიდელი ქალი ქმარმა საზოგადოებრივ ტრანსპორტში მოკლა.
"ადამიანმა საკუთარი შვილების, დის და დისშვილების თვალწინ საზოგადოებრივ ტრანსპორტში ქალს, უხეშად რომ ვთქვათ, ყელი გამოჭრა. არ ვიცი როგორ შეიძლება ამის შეფასება. ეს არ არის პირველი შემთხვევა, არც საქართველოში და არც მსოფლიოში. გამოვდივართ ქალის სიცოცხლის ხელშეუხებლობის მხარდასაჭერად და ვცდილობთ, რომ აქციის ფარგლებში, ხმა მივაწვდინოთ საზოგადოების იმ ნაწილის, რომელმაც მდუმარება არჩია, თან კი ამ ყველაფრის მომსწრე იყო. საზოგადოების მხრიდან გულგრილობას ჰქონდა ადგილი და ამ ჯაჭვური რეაქციით მივედით იმ ფატალურ შემთხვევამდე, რასაც ჰქვია - სოფოს სიცოცხლე დასრულდა", - თქვა აქციის ერთ-ერთმა ორგანიზატორმა, ქალთა ასოციაცია "გვირილას" დამფუძნებელმა ეთო ალმასიამ.
"არ მომიკლა დედა", "არ გაწირო, არ გაჩუმდე", "შენი სიჩუმე კლავს", - ამ სახის ტრანსპარანტები ეჭირათ აქციის მონაწილეებს. მათ სიმბოლურად შავი ტანსაცმელი ეცვათ.
"პირველ რიგში მოვედი, იმიტომ რომ ვარ ძალადობის მსხვერპლი ქალებისა და ბავშვების თავშესაფრის სოციალური მუშაკი და როგორც პროფესიონალს, მევალებოდა აქ დგომა. მეორე და უმთავრესი, რის გამოც ვარ აქ, ვარ ქალი, მყავს 2 ქალიშვილი, რომელთა სიცოცხლესაც ვიცავ ჩემი აზრით აქ დგომით. ალბათ მეტი განათლებაა საჭირო ადრეული ასაკიდან გენდერულ თანასწორობაზე, ოჯახში როლების გადანაწილებაზე, თუმცა ამის გამკეთებელი ჯერ არავინ ჩანს", - უთხრა ჟურნალისტებს ასოციაცია "მერკურის" წარმომადგენელმა ანა თოდუამ.
მსგავსი აქციები დღეს ბათუმსა და თბილისში 18 საათზე გაიმართება.
ზუგდიდელი მამაკაცი, რომელმაც ცოლი საზოგადოებრივ ტრანსპორტში დანით მოკლა, გუშინ დააკავეს. შს სამინისტროს ინფორმაციით, გამოძიება საქართველოს სისხლის სამართლის კოდექსის 11 პრიმა 109-ე მუხლით მიმდინარეობს, რაც ოჯახის წევრის მიმართ დამამძიმებელ გარემოებებში ჩადენილ განზრახ მკვლელობას გულისხმობს.
"ადამიანმა საკუთარი შვილების, დის და დისშვილების თვალწინ საზოგადოებრივ ტრანსპორტში ქალს, უხეშად რომ ვთქვათ, ყელი გამოჭრა. არ ვიცი როგორ შეიძლება ამის შეფასება. ეს არ არის პირველი შემთხვევა, არც საქართველოში და არც მსოფლიოში. გამოვდივართ ქალის სიცოცხლის ხელშეუხებლობის მხარდასაჭერად და ვცდილობთ, რომ აქციის ფარგლებში, ხმა მივაწვდინოთ საზოგადოების იმ ნაწილის, რომელმაც მდუმარება არჩია, თან კი ამ ყველაფრის მომსწრე იყო. საზოგადოების მხრიდან გულგრილობას ჰქონდა ადგილი და ამ ჯაჭვური რეაქციით მივედით იმ ფატალურ შემთხვევამდე, რასაც ჰქვია - სოფოს სიცოცხლე დასრულდა", - თქვა აქციის ერთ-ერთმა ორგანიზატორმა, ქალთა ასოციაცია "გვირილას" დამფუძნებელმა ეთო ალმასიამ.
"პირველ რიგში მოვედი, იმიტომ რომ ვარ ძალადობის მსხვერპლი ქალებისა და ბავშვების თავშესაფრის სოციალური მუშაკი და როგორც პროფესიონალს, მევალებოდა აქ დგომა. მეორე და უმთავრესი, რის გამოც ვარ აქ, ვარ ქალი, მყავს 2 ქალიშვილი, რომელთა სიცოცხლესაც ვიცავ ჩემი აზრით აქ დგომით. ალბათ მეტი განათლებაა საჭირო ადრეული ასაკიდან გენდერულ თანასწორობაზე, ოჯახში როლების გადანაწილებაზე, თუმცა ამის გამკეთებელი ჯერ არავინ ჩანს", - უთხრა ჟურნალისტებს ასოციაცია "მერკურის" წარმომადგენელმა ანა თოდუამ.
მსგავსი აქციები დღეს ბათუმსა და თბილისში 18 საათზე გაიმართება.
ზუგდიდელი მამაკაცი, რომელმაც ცოლი საზოგადოებრივ ტრანსპორტში დანით მოკლა, გუშინ დააკავეს. შს სამინისტროს ინფორმაციით, გამოძიება საქართველოს სისხლის სამართლის კოდექსის 11 პრიმა 109-ე მუხლით მიმდინარეობს, რაც ოჯახის წევრის მიმართ დამამძიმებელ გარემოებებში ჩადენილ განზრახ მკვლელობას გულისხმობს.
დაფინანსებული
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
ელექტრონული კომერცია საქართველოში სწრაფი ტემპებით ვითარდება.
სტატია
ინტერვიუ
დღის სიახლეები
03 / მაისი 2024
მესტიის მუნიციპალიტეტის სოფელ ნაკრაში უკვე 24 საათზე მეტია გრძელდება საძიებო სამუშაოები. მაშველები ადგილობრივებთან ერთად,
03 / მაისი 2024
48 საათიანი პატიმრობის შემდეგ, ზუგდიდელი აქტივისტი, როსტომ ზარანდია თავისუფალია. მან გვითხრა, რომ კანონსაწინააღმდეგო არაფერი ჩაუდენია. ზარანდია წინასწარი დაკავების იზოლატორში იმყოფებოდა და მას შემდეგ, რაც ოცდაოთხსაათიანი ვადა ორჯერ ამოიწურა, გამოუშვეს. მისივე თქმით, დაკავების მომენტში, მას პოლიციელებმა სიტყვიერი და ფიზიკური შეურაცხყოფა მიაყენეს.
03 / მაისი 2024
მესტიის გზაზე, სოფელ ნაკრასთან მსუბუქი ავტომობილი მდინარე ენგურში გადავარდა.
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
15
°C
სოხუმი
14
°C
ფოთი
14
°C
მესტია
8
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები