სტატია
კანონპროექტით მერის წარმომდგენლები საჯარო მოხელეები აღარ იქნებიან
საქართველოს პარლამენტში პირველი მოსმენით მიიღეს „საჯარო სამსახურის შესახებ” და თანმდევ კანონში ცვლილებების კანონპროექტი, რომელიც მერის წარმომადგენლებისთვის საჯარო მოხელის სტატუსის გაუქმებას ითვალისწინებს.

დოკუმენტის თანახმად, გამგებლები ადმინისტრაციული ხელშეკრულებით დასაქმებულ პირებად ჩაითვლებიან, რითაც მათი შრომის ანაზღაურებასთან დაკავშირებული საკითხები საკანონმდებლო დონეზე მოწესრიგდება. აქვე ნათქვამია, რომ კანონპროექტის მიღება მერის წარმომადგენლებთან შრომითი ურთიერთობის მოწესრიგების და შრომის ანაზღაურებასთან დაკავშირებული რეგულაციის შემოღების აუცილებლობითაა განპირობებული.

კანონპროექტის შესაბამისად, „საჯარო დაწესებულებაში შრომის ანაზღაურების შესახებ“ საქართველოს კანონს მუხლი ემატება, რომლითაც ადმინისტრაციული ხელშეკრულებით დასაქმებული პირის თანამდებობრივი სარგო აისახება შესაბამისი საჯარო დაწესებულების საშტატო ნუსხაში და იგი არ უნდა აღემატებოდეს აღნიშნული კანონის მიხედვით საჯარო დაწესებულების მეორადი სტრუქტურული ერთეულის ხელმძღვანელის თანამდებობისათვის დადგენილი მე-10 სახელფასო კატეგორიის კოეფიციენტის შესაბამისად გამოანგარიშებულ თანამდებობრივ სარგოს.

კანონპროექტს კრიტიკულად უყურებენ სამოქალაქო სექტორში და მიიჩნევენ, რომ მერის წარმომადგენლებისთვის საჯარო მოხელის სტატუსის ჩამორთმევა, შესაძლოა, საარჩევნო მიზნებს ემსახურებოდეს.

„საერთაშორისო გამჭვირვალობა-საქართველოში“ აცხადებენ, რომ კანონპროექტის მიღება სოფლის რწმუნებულების სრულად პოლიტიზების და წინასაარჩევნოდ ვიწრო პარტიული მიზნებისთვის გამოყენების რისკებს ზრდის.

ორგანიზაციაში ასევე ამბობენ, რომ ცვლილებებით წარმომადგენლები მთლიანად დამოკიდებულები იქნებიან მერზე, რადგან ადმინსიტრაციულ ხელშეკრულებით დასაქმებულებს სწორედ მერი ნიშნავს და მისი გათავისუფლება ნებისმიერ დროს შეუძლია.

„გაუგებარია, მუდმივი და დამოუკიდებელი ფუნქციების მქონე პროფესიული საჯარო მოხელის თანამდებობის მერის ერთგვარ ასისტენტად გადაქცევა, რაც განსაკუთრებით პრობლემური შეიძლება გახდეს, თუ გავითვალისწინებთ ქვეყანაში ამ თანამდებობის პირების რაოდენობასა მხოლოდ ზუგდიდის მუნიციპალიტეტში 53 ასეთი თანამდებობის პირია, რასაც ემატება მათი 35 ასისტენტი) და წინასაარჩევნო აგიტაციაში მათი ჩართვის არსებულ მანკიერ პრაქტიკას. აღსანიშნავია, რომ მერის წარმომადგენლებს, თანამდებობის სპეციფიკიდან გამომდინარე, ყველაზე მეტი ინფორმაცია აქვთ სოფლის მოსახლეობაში არსებული სოციალური მდგომარეობის და პოლიტიკური განწყობების შესახებ, ხოლო სოფლის მოსახლეობისთვის ხშირად სახელმწიფოს ერთადერთი წარმომადგენელები არიან, რომელთანაც ადგილობრივი პრობლემების შესახებ კომუნიკაციის შესაძლებლობა აქვს. ამ გარემოებების ფონზე თანამდებობის მზარდი პოლიტიზაციაქმნის მაღალ ალბათობას, რომ ის წინასაარჩევნო პერიოდში პოლიტიკური მიზნებისთვის კიდევ უფრო აქტიურად იქნება გამოყენებული და საარჩევნო გარემოს მნიშვნელოვნად დააზიანებს. გარდა ამისა, ცვლილება არ შეესაბამება დეცენტრალიზაციისა და მუნიციპალიტეტებში პროფესიული საჯარო სამსახურის ჩამოყალიბების პოლიტიკას“, - განმარტავენ TI-ში.

შესაძლო რისკებზე საუბრობენ საია-შიც. ახალგაზრდა იურისტთა ასოციაციაში ხაზს უსვამენ, რომ აღნიშნული საკანონმდებლო ცვლილების შეფასებისას ადგილობრივი კონტექსტის გათვალისწინებაა მნიშვნელოვანი.

„საერთაშორისო და ადგილობრივი ორგანიზაციების სადამკვირვებლო მისიების ანგარიშების მიხედვით, მმართველი პარტია მუნიციპალიტეტში დასაქმებულ საჯარო მოსამსახურეებს წინასაარჩევნოდ აქტიურად იყენებს. მერის წარმომადგენლებისათვის პროფესიული საჯარო მოხელის სტატუსის ჩამორთმევა და ადმინისტრაციულ ხელშეკრულებაზე გადაყვანა მათი უფლების დაცვის სტანდარტს მნიშვნელოვნად აუარესებს, რაც მუნიციპალიტეტების მერის მიერ მათი წინაასაარჩევნო აგიტაციაში ჩართვის მიზნით შეიძლება იყოს გამოყენებული. იმის გათვალისწინებით, რომ მერი პოლიტიკური თანამდებობის პირია და სააგიტაციო პროცესში შეუზღუდავად მონაწილეობს, ხოლო მერის წარმომადგენლები უშუალოდ მას ექვემდებარებიან, მათ მიმართ განსაკუთრებით მაღალია წინასაარჩევნო აგიტაციაში ჩართვის რისკი. ხოლო, მერის წარმომადგენლების მიერ წინასაარჩევნო აგიტაციაში რაიმე ფორმით მონაწილეობაზე უარის თქმისას, მათი პოლიტიკური ნიშნით სამსახურიდან გათავისუფლების რისკები იზრდება”, - აღნიშნავენ საია-ში.

არასამთავრობო ორგანიზაციების რეკომენდაციაა, რომ მერის წარმომადგენლობების აღნიშნული რისკების თავიდან ასაცილებლად საჯარო მოხელის სტატუსი არ ჩამოერთვათ.

რადიო „ათინათი“ კანონპროექტის ავტორებთან დაკავშირებას შეეცადა, თუმცა გურამ მაჭარაშვილმა ჩვენს ზარებს არ უპასუხა. რაც შეეხება ხობის მაჟორიტარს ირაკლი ბერაიას, მან გვითხრა, რომ კომიტეტის სხდომაზეა და ჩვენთვის ვერ იცლის. ჩვენ მას შევთავაზეთ, რომ შესვეენბაზე დავუკავშირდებოდით, საპასუხოდ კი ბერაიამ ბოდიში მოგვიხადა და დაგვემშვიდობა.



Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
19 / მარტი 2024
საქართველოს პრემიერ - მინისტრის განცხადებით, საპატრიარქოს საგანმანათლებლო პროექტების დაფინანსება 5 მილიონი ლარით გაიზარდა, რაც 60 მილიონ ლარს გულისხმობს.
19 / მარტი 2024
რუსეთიდან ოკუპირებულ აფხაზეთში ელექტროენერგიის „სოციალური ნაკადის“ მიწოდება დასრულდა, ამის შესახებ კომპანია ჩერნომორენერგოს“ წარმომადგენელმა ალხას გაგულიამ განუცხადა ადგილობრივ მედიას. 
18 / მარტი 2024
საქართველოს პრეზიდენტის სალომე ზურაბიშვილის განცხადებით, ოკუპირებულ რეგიონებში რუსეთის ფედერაციის საპრეზიდენტო არჩევნების ჩატარება ყოვლად უკანონო და მიუღებელია.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 12 °C
img
სოხუმი 13 °C
img
ფოთი 11 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.